Hamas

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Hamas (Arabisj: حماس, e Arabisj acroniem vuur حركة المقاومة الاسلامية Ḥarakat al-Muqāwamah al-ʾIslāmiyyah, wat letterlig Islamitisje Verzetsbeweging heesjt) is 'n Palestiense islamistisje beweging va soennitisje zinjatoer die seër 2007 de Gazasjtrook besjtuurt. De beweging weëd in Australië, Canada, de EU, Groeët-Brittannië, Israel, Japan en de VS besjouwd es 'n teroristisje organisatie. Ze weëd gesjteund durch 't Talibanregime in Afghanistan, Algerieje, 't Ayatollah-regime in Iran, Koeweit, Maleisië, 't communistisj regime in Noord-Korea, Qatar en Venezuela.

Hamas woeëd in 1987, aan 't begin van de Ieësjte Intifada ópgerich es aafsjplitsing van de Egyptische Moslimbrodersjap. D'r militante tak van Hamas heesjt de Izz al-Din al-Qassam Brigade. In de beginjoare pleegde ze zelfmoordaansjleëg óp Israelisje soldoate en burgesj. Vanaaf 2001 veurt ze vuural raketaanvalle oet óp Israelisje doele, dök mit zelfgemaakde projectiele. Ze deet ooch tunnels grave ónger Gaza en 't Israelisje grensgebeed en gebroek die ónger mieë vuur 't sjmokkele va woapes. Regelmieësig is ze betrokke bei gevechte mit de Israelisje armee, ónger anger rónk de joarwisseling van 2008 en 2009, in 2014, in 2021 en in 2023.