Israelisch-Palestiens conflik (2021)

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Israelisch-Palestiens conflik (2021)
Israelisch gesjut aa g'n grens mit Gaza
Datum d'r 6e mei 2021 - d'r 21e mei 2021
Lokasie Gazasjtrook, d'r Westelike Jordaankank, Israel
Sjtriejende partieje
Flag of Israel.svg Israel Flag of Palestine.svg Palestina:
Flag of Hamas.svg Hamas,
Flag of the Islamic Jihad Movement in Palestine.svg Islamitische Jihad
Leijers en commandante
Flag of Israel.svg Benjamin Netanyahu Flag of Hamas.svg Ismail Haniya
Flag of Israel.svg Benny Gantz Flag of Hamas.svg Saleh al-Arouri
Flag of Israel.svg Aviv Kochavi Flag of the Islamic Jihad Movement in Palestine.svg Abd al-Aziz Awda
Flag of Israel.svg Amikam Norkin Flag of the Islamic Jihad Movement in Palestine.svg Ziyad al-Nakhala
Flag of Israel.svg Roni Alsheikh
Flag of Israel.svg Kobi Shabtai
Verleze
In Israel: 12 burgesj,[1] 1 soldoat
Lod: 2 burgesj umgekoame (inne Jüd en inne Arabier)
I g'ne Gazasjtrook: zieëker 243 burgesj en militante umgekoame[1]
Óp g'ne Westelike Jordaankank: 26 burgesj umgekoame
Oeeës-Jeruzalem: 1 burger umgekoame
Óp g'n grens mit Libanon: 1 lid van Hezbollah en 1 burger
In Israel: 114 burgesj gewónd, 2 soldoate
Óp g'ne Westelike Jordaankank: 2 soldoate
I g'ne Gazasjtrook: mieë es 1900 gewónde
Óp g'ne Westelike Jordaankank: mieë es 500 gewónde
Oeeës-Jeruzalem: 1000 gewónde
Totaal: mieë es 250 lüj umgekoame, mieë es 3500 gewónde, 58.000 Palestiense vluchtelinge[1], 2.500 Palestiene daakloos[2]

't Israelisch-Palestiens conflik van 2021 (codenaam: Operation Guardian of the Walls) begós óp d'r 6e mei 2021, doe 't groeëtsjalige proteste goof teëge de meugelige oetzetting van Palestiense gezinne in 'n boetewiek van Jeruzalem.[3] Rasj óntsjtange proteste i g'n hoofsjtad van Israel en Palestina. Dees escaleerde d'r angere daag, wie de pliese de Al-Aksamoskee óp g'ne Tempelberg besjtormde.[4] De proteste zint oetgelope óp 4000 raketbesjetinge van Hamas en 1600 lóchaanvalle durch de Israelische armee.[1]

Óp d'r 10 mei sjtelde Hamas Israel e ultimatum: de islamitische beweëging vörderde dat 't lank zieng troepe deë daag vuur 18.00 oer zouw trüktrekke. Wie Israel d'r eis negeerde, begós Hamas rakette op Israelische sjteë aaf te vure. In 'n verkloaring zeët Hamas dat de raketaanvalle 'n reaksie vörme op Israelische 'agressie' tiedes de ónrouw i g'n Al-Aksamoskee óp d'r 7e mei. Volges minister-president Benjamin Netanyahu hat de terreurbeweëging doamit 'de roeë lieng' uëversjreie, oeëdurch zien lank 'kreftig zal antwoorde'. In de ieësjte nach zint 31 lüj um 't leëve gekoame.[5]

't Conflik woeëd besjouwd es de groeëtste escalatie seër d'r kreeg van 2014[2] en de Twieëde Intifada (2000-2005). Nui is dat 't óch sjpanninge goof tussje Jüdde en Arabiere i groeëte Israelische sjteë, oeë-ónger Lod.[6]

Óp initiatief va noaberlank Egypte sjlote Hamas en Israel óp d'r 20e mei 2021 e sjtaak-'t-vure.

Brónne[bewirk | brón bewèrke]

  1. 1,0 1,1 1,2 1,3 Palestinians see victory in Gaza truce as Israel warns Hamas. Fares Akram & Joseph Krauss - AP, d'r 21e mei 2021
  2. 2,0 2,1 The Toll of Eight Days of Conflict in Gaza and Israel. Weiyi Cai, Josh Holder, Lauren Leatherby, Eleanor Lutz, Scott Reinhard & Karen Yourish - The New York Times, d'r 17e mei 2021
  3. Hoe een huisuitzetting in Jeruzalem tot nieuwe confrontaties leidt. NOS, d'r 9e mei 2021
  4. Rellen bij al-Aqsa-moskee Jeruzalem. Nederlands Dagblad, d'r 10e mei 2021
  5. Dozens killed as Israel-Gaza violence escalates. BBC, d'r 11e mei 2021
  6. Ausschreitungen in Israels Städten – Bürgermeister von Lod spricht von Bürgerkrieg. Deutschlandfunk, d'r 14e mei 2021