Hoebelrao

Van Wikipedia
Gank nao: navigatie, zeuke
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Sjpawbiks, as te dit dialek sjpriks.
gesjlote haof in vakwerk in Hoebelrao mèt waegkruus

Hoebelrao (Nederlands: Hobbelrade) ies 'n buurtsjap van Sjpawbik (Nederlands Spaubeek) in de gemeinte Baek in Zuud Limburg.

Gesjiedenis[bewirk | brón bewèrke]

In 1661 weurt tösje de keuning van Sjpanje en de Sjtate Generaal van de Nederlande 't Partage-Tractaat geteikend, dat inhèlt dat miedde door Baek de landsgrens kump te ligke. De katholieke godsdeens maog neet in 't Sjtaats gebeed oetgeoefend weure, mèt 't gevolg dat in Hoebelrao (buurtsjap van Sjpawbik) 'n sjuurkèrk weurt ingerich. Tot 1683 zölle Katholieke preestersj gebruuk hievan make. In dat jaor maoge ze wir nao hun eige kèrk truuk.
In Hoebelrao zint tot ongevaer 1985 2 sjuurkèrke nog in vervalle sjtaot gewaes, meh door verboewing zint dees opgeruimp. Ein waor in de Borgh, kiek nao de foto hienaeve en ein waor bie de boerderie van Houb Schutgens, woa later appertemente zeen geboewd. Houb Schutgens hou hievan eine kroatekelder gemaak. Ouch leep eine gank ónger de waeg door zaodat de bezekersj bie onroad koeste vlöchte.


In 1800 weure Baek en Sjpawbik zelfsjtendige gemeintes. In 1982 weurt de nuuj gemeinte Baek gevörmp same mèt o.m. Sjpawbik. 't Gevolg ies dat d'r dan twiè sjtraote mèt dezelfde naam in ein gemeinte besjtoon: Holsjtraot. In Sjpawbik höbbe ze de sjtraotnaam toen veranderd in Hobbelrade, umdat deze weeg riechting de buurt Hoebelrao löp.

In 1840 besjteit Hoebelrao oet 51 häöf en hoezer in lintbeboewing langs de hellingwaeg Lindeveld nao De Aw Kèrk. Van dees boerderieje, woa-ónder mergele en vakwerkhoezer, zint 'r nog väöl bewaard gebleve. In de buurt liek de Vrouwebösj. Sint-Jansgelaen en De Aw Kèrk bevinge ziech vanoet Sjpawbik en Hoebelrao vlakbie, achter de autobaan A76 en 't sjpoor.

 
Gemeinte Baek
Flag of Beek (Limburg).svg
Dörper: Baek | Groat Genhout | Geverik | Klein Genhout | Nirbik | Sjpawbik
Buurtsjappe en gehuchte: De Aw Kèrk | Hoebelrao | Hoeve | Kelment | Looiwinkel | Sint-Jansgelaen
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hoebelrao&oldid=293909"