Geverik

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Baeks, es te dit dialek sjpriks.

---

De Kapelsjtraot in Geverik, Baek

Geverik (Nederlands: Geverik) ies 'n dörp in de gemeinte Baek op 't plateau in Zuud Limburg. Vlakbie liek Mestreech-Aachen-Airport. In 2002 tèlde me hie 150 häöf en hoezer. De naam zou truukgoon nao de persoonsnaam Gabrus.

De buurtsjap Kelment mèt 'n houte sjtanderdmeule huèrt ouch bie Geverik.

Geverik haet in 2019 380 inweunersj. Same mèt Kelment haet 't in 2023 504 inweunersj.

Bezeenswaerdig

• Neo-gotische kapel (kèrkske) oet 1861. Tot 1861 mooste de luuj van Geverik de waeg nao Baek make um nao de (parochie)kèrk te goon. 't Einbeukige gebuuwke ies van baksjtein mèt 'ne Limburgse toresjpiets gedèk mèt leie. In 1990 ies de kapel gerestaureerd.
• Hoes Genbrook sjtamp van 1656 en ies toen neergezat es haof rónd 'ne plei. Twiè ièwe later ies 't complex tot 't sjtatig hièrehoes umgeboewd. In de buurt bevingk ziech 'n veurmalige watermeule. 't Landgood rónd 't hoes umvat 18 ha en de gemeinte Baek ies saer 1990 eigenaer van 't domein. Opvallende elemente van Hoes Genbrook zint: segmentbaog vènstere in helle sjtein oet Name. Op 't daak sjteit 'ne daakruter.
• De Geverikerhaof of Haof Corten datere van veur 1665. 't Betref 'n hièrehoes mèt boerderiej. In 1782, vertèlt 'n moeranker, ies de poorttösjegevel opgetrokke. In 1663 weurt 't good in de archieve geneump.
• De Haof aan de Veenwaeg haet 't jaortal 1686 bove de mergelsjteine poort sjtoon. 't Geboew ies gedeiltelik vernuujd in 1947.
• Diverse ouw boerderieje en vakwerkhoezer.