Guido Fonteyn

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Guido Fonteyn, Evere 1943, is 'ne Belzje journalist dae wèrkde vör de Vlamsje gezèt De Standaard. In 2004 is e mèt pensioeën gegange. Saer december 2007 wèrkt-e wer es Wallonië-expaert vör de Vlamsje media.

Fonteyn wèrkde saer 1968 es polletiek redacteur in de Wetsjtraot d.w.z. 't federaal parlemaent in Brussel en makde 't polletiek laeve dus va gaans kortbie mèt. E sjreef versjèjje artikele över communautaire kwesties. Es Vlamsje Brusselaer waor-e erg geveulig vör de node va minderhede. An 't lèts van z'n carrière waor Fonteyn d'r permanaente correspondaent in Wallonië, geplaatsjd in Name, de hoofsjtad van de regio.

Fonteyn waor d'r Wallonië-expaert in Vlaandere en sjreef ooch versjèjje beuk över Wallonië. 't Lètste hèèsjt Adieu à Magritte . Över Voere sjreef Fonteyn 't waerkske: Voeren een heel Happart verhaal (1983).

Ander waerk

• Renaat van Elslande
• De Walen en Les Wallon
• Over de taalgrens (Van Komen naar Voeren, 2009)
• Grensgebied (Van Voeren tot Sankt Vith, 2010)