De Standaard

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Standaard is 'n Belzje Nederlandstaolege dagelekse gezèt die besteit sinds 4 december 1918 en allewijl deil oetmaak vaan Mediahuis. In d'n 20ste iew waor de gezèt vaan Roems-Kathelieken eerd en speulde zie 'ne groete rol in d'n opkoms vaan 't Vlaoms nationalisme. In 2014 had zie 'n oplaag vaan 100.769; de meiste op 't Belsj mer in minder maote ouch in Nederland, Duitsland, Fraankriek en de res vaan Europa. D'n allewijle redaktäör is Karel Verhoeven.

In d'n Twiede Wereldoorlog weigerde De Standaard te sjrieve oonder censuur vaan Nazi-Duitsland. Op 1 mei 1947 versjeen de gezèt obbenuits oonder leiing vaan Albert de Smaele.

De gezèt heet 'n groet invlooj gehad op de Belsj polletiek door hun lang traditie aon oonderzeuksjournalistiek. Zoe waor de gezèt die versjèllende sjandaole heet oontmantelt, wie 't smog-sjandaol vaan 't Luiks Engis in 1930 en 't RTT-sjandaol in 1973. Mer ouch op cultureel gebeed heet De Standaard in Vlaondere en Nederlandstaoleg Breusel 'ne belaangrieke rol gespeuld in de Vlaomse en Belsj-Nederlandstaolege cultuur. Zoe is 't traditioneel d'n hoofzakeleken oetgever vaan bekènde Nederlandstaolege stripverhaole, zoewie Suske en Wiske. Aon de Nederlandse kant vaan de sjraom weurt Suske en Wiske veural oetgegeve door De Limburger.

Väöl vaan de journaliste die wèrkzaam zien of zien gewees bij De Standaard zien oetindelek belaangrieke sjrievers gewore binne Nederlandstaoleg Europa, zoewie de Wallonië-expert Guido Fonteyn en de bekènde "Franstaolege Vlaoming" Christophe Deborsu.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Standaard&oldid=450589"