Sjraom

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


'n Sjraom, 'n grens of 'n frontier vörmp de sjeiingslijn tösse twie einhede. 't Diminutief vaan 'n sjraom is e sjräömke. Euver 't algemein oondersjeit me in de polletiek:

Landssjraome (of de päöl) weure meistes aongegeve door sjraompäöl; sjraome tösse twie percele ('t gesjei) door reinstein (gelege op akkers). Bis 1997 waore de sjraome binne de Europese Unie (EU) bewaak en daomèt "touw". Me kos door douane weure tegegehawwe veurtot me vaan 't ein land nao 't aander wèlde goon. Mèt 't Verdraag vaan Amsterdam verdween dat en gónge de landssjraome "ope". Veur de Limbörge heet dit 't daogeleks leve vaan lui hendeg veraanderd. Veural veur Nederlands-Limbörg, wat in prinsiep 'n dun reifelke land tösse 't Belsj en Pruse in is, zörgde dit d'rveur tot dees provincie groetdeils oet zien lang isolatie kaom. Tot de landssjraome weer opegónge war neet gans nui. De neiging um sjraome te bewake woort pas ech 'n dominante policy in Europa vaanaof d'n Ierste Wereldoorlog.

Aander sjraome zien neet vaan 'n polletiek nature, wie 'n taolsjraom (zoewie de Taolsjraom Germaans-Romaans bove Stad Luik) of 'n administratief sjraom die iemes zie bezèt aofgrens vaan 'n iemes aanders zie bezèt.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjraom&oldid=452567"