Evere

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Liegking van Evere in 't Brussels Hoofsjtaejelik Gewes
Gemeintehoes

Evere ies 'n gemeinte in 't Brussels Hoofsjtaejelik Gewes, ten noordoaste van 't sjtadscentrum van Brussel. De gemeinte haet 33.438 inweunersj (1 januari 2006) en 'n oppervlak van 5,02 km².

Door Evere loupe e paar belangrieke oetvalswaeg veur Brussel, woa-ónder de Leopold III-laan die nao vleegveld Zaventem löp. D'r ies liechte industrie gevestig, mèt 'n groate concentratie hoagtechnologische en weitensjappelike bedrieve. D'r liek e belangriek kèrkh'f. Hoewaal me dèks leus dat 't hoofkwarteer van de NAVO in Evere gevestig ies, liek diet in de gemeinte Brussel, op 't gróndgebeed van de veurmalige gemeinte Haren.

Evere woort in 1120 veur 't ièrsj vermeld es Everna. De gemeinte ies gegreujd oet drie aafzónderlike woonkerne. De woonkerne greujde same in de ièrsjte hèlf van de 20e ièw. Bies 1950 waor Evere e landboewdörp, veural bekènd um 't Brussels lof. Allewiel kènt me Evere verdeile in Hoag en Lièg Evere. Lièg Evere ies de oorsjprunkelike dörpskern róndum de classicistische Sint-Vincentiuskèrk mèt romaanse tore. In Hoag Evere liegke parke, 't kèrkh'f en groate appartementegeboewe.

Externe link[bewirk | brón bewèrke]

Commons
Op de pazjena Category:Evere van Wikimedia Commons zeen media gerelateerd aan dit óngerwerp te vènje
 
't Brussels Hoofsjtaejelik Gewes
Vaan van 't Brussels Hoofsjtaejelik Gewes

Anderlech · Brussel-Sjtad · Elsene · Etterbeek · Evere · Ganshoren · Jette · Koekelberg · Oudergem · Schaarbeek · Sint-Agatha-Berchem · Sint-Gillis · Sint-Jans-Molenbeek · Sint-Joost-ten-Node · Sint-Lambrechts-Woluwe · Sint-Pieters-Woluwe · Ukkel · Vorst · Watermaal-Bosvoorde

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Evere&oldid=369586"