Etterbeek

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Liegking van Etterbeek in 't Brussel Hoofsjtaejelik Gewes

Etterbeek ies 'n plaats en gemeinte in 't Brussels Hoofsjtaejelik Gewes. De gemeinte haet 41.585 inweunersj (tèlling 1 januari 2006) op 'n oppervlak van 3,15 km². Etterbeek liek ten zuudoaste van 't sjtadscentrum van Brussel.

Functies[bewirk | brón bewèrke]

Gemeintehoes van Etterbeek

De gemeinte Etterbeek ies 'n hoofzakelik Franstalige woongemeinte. Dao liegke 'n groate kazern van de riekswach, drie hospitale en inkel ambassades. De belangriekste campus van de Vrije Universiteit Brussel hèt waal Campus Etterbeek, meh liek in Elsene. De Europese insjtèllinge liegke ouch neet wied eweg en zint 'ne belangrieke werkgever.

Bezeenswaerdighede[bewirk | brón bewèrke]

De Rue des Boers in Etterbeek

Etterbeek tèlt 'n groat aantal hoezer en geboewe oet de 19e ièw. De Sint-Antoon-van-Paduakèrk ies geboewd in neogotische sjtiel. De Art Nouveau-arsjitek Paul Cauchie boewde in Etterbeek veur ziechzelf 't Maison Cauchie (1905). 't Gebeed woa noe 't Jubelpark liek huèrde bies 1853 bie Etterbeek.

Historie[bewirk | brón bewèrke]

Etterbeek weurt veur 't ièrsj vermeld in 1127, es Ietrebecca. De naam zou "snel sjtruimende beek" beteikene, nao 't Keltisch ett ("sjnel bewaeging"). Bies in de 17e ièw waor Etterbeek 'n hièrlikheid die ónder de hoofgemeinte Rode veel. In 1673, ónder de Sjpanjaarde, woort 't 'n baronie.

Bies in de 19e ièw waor 't 'n landelik dörp mèt landboew es belangriekste besjtaonsmieddel. Daonao greujde 't vas aan de agglomeratie Brussel en woort 't 'n veursjtad. D'r woorte belangrieke verkièrsjadersj aangelag, woa-ónder de Tervurenlaan.

Gebore in Etterbeek[bewirk | brón bewèrke]

Externe link[bewirk | brón bewèrke]

Commons
Commons
Op de pazjena Category:Etterbeek van Wikimedia Commons zeen media gerelateerd aan dit óngerwerp te vènje
 
't Brussels Hoofsjtaejelik Gewes
Vaan van 't Brussels Hoofsjtaejelik Gewes

Anderlech · Brussel-Sjtad · Elsene · Etterbeek · Evere · Ganshoren · Jette · Koekelberg · Oudergem · Schaarbeek · Sint-Agatha-Berchem · Sint-Gillis · Sint-Jans-Molenbeek · Sint-Joost-ten-Node · Sint-Lambrechts-Woluwe · Sint-Pieters-Woluwe · Ukkel · Vorst · Watermaal-Bosvoorde

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Etterbeek&oldid=463301"