Groninge (provincie)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Groninge (Groningen)

Hoofsjtad

Groninge

Opperflaakde
– woevan land
– woevan water

2.955,18 km²
2.315,86 km²
639,32 km² (21,6%)

Inwoeners
– Deechde:

601.347 (2024)
260/km² (land)

Commissair van de Keuning (lies)

René Paas (CDA)

Óntsjtange oet

Reductie vaan Groninge (1594)

Belangriekste lokaalsjpraok(e)

Gronings

Vouksleed

Grönnens laid

Groninge (officieel Groningen, Gronings Grönnen) is 'n provincie in 't noordooste vaan Nederland. Sociaal besteit ze oet e dunbevolk platteland (de Ommelanden) um de gelieknaomege hoofstad die es centrum vaan gaans Noord-Nederland fungeert en de zevende stad vaan 't land is. De provincie grens aon Friesland, Drente en 't Duitse Nedersakse.

Taol

In de provincie Groninge weure dialekte gesproke die same 'n aofwiekende oonderverdeiling vaan 't Nedersaksisch vörme, bekind es Gronings-Oosfrieslands. Ouch in noordelek Drente weurt Gronings gesproke. Drei dörper zien Friestaoleg. De dialekte versjèlle wel vaanein, meh vergeleke mèt 't (Zuid- en Middel-) Drents en Twents valle de euvereinkómste op. Oongeveer 65% vaan de Groningers sprik nog Gronings; 't (relatief) aondeil vaan sprekers in de stad is evels väöl lieger es dat op 't platteland.

Gemeintes

Groninge kint per 1 januari 2021 10 gemeintes.

In de provincie Groninge höbbe noe en daan herindeilinge plaotsgevoonde, minder dèks es in 't weste en zuide vaan 't land, meh dèkser es in Friesland en Drenthe. Groete herindeilinge waore dao in de jaore 1820, in 1969 (Stad Groninge en Stadskanaal), in 1990 (door de ganse provincie) en in 2010 (gemeinte Oldambt). In de loup vaan de jaore 2010 kaome evels nui discussies los: de provincie zouw, um koste te spaore, nog mer zès gemeintes mote umvatte. Oetindelek woorte de planne minder ambitieus. Verspreid euver 2018 ('t midde en ooste vaan de provincie), 2019 ('t noorde en weste) en 2021 (Delfzijl en umgeving) woort 't aontal gemeintes noe vaan 23 tot 10 trökgebrach.

Zuug veur 'n euverziech Lies vaan geweze gemeintes in Groninge.

Aongrenzende distrikte

Groninge grens aon de volgende distrikte, naomelek Nederlandse provincies en Duitse distrikte:

Distrikt Leer, Duitsland - noordooste
Distrikt Emsland, Duitsland - zuidooste
Drenthe - zuie
Friesland - weste

Externe links

Provincie Groninge
Groningen (provincie), Plaatsengids
Statistieken provincie Groningen, AlleCijfers

Provincies van Nederlandj
Drenthe \| Euverijssel \| Flevolandj \| Frieslandj \| Gelderlandj \| Groninge \| Limburg \| Noord-Braobantj \| Noord-Hollandj \| Utrech \| Zielandj \| Zuud-Hollandj
Gemeintes \| Watersjappe