Groeatoeartenrek

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Gebied wo de groeatoeartenrek veurkump.

De groeatoeartenrek of aerdtenrek (Letien: Geogale aurita) is 'n saort aan zougdere vanne tenrekfemielje. 't Is 'n monotupische saort: de ènsigste saort van 't geslech Geogale. Ze zeen endemisch in Madagaskar, wo häör netuurlike habitat wuuertj gevörmp door subtroeapische en troeapische druueg busj en subtroeapisch en troeapisch druueg struuklandj. 't Bieësjke wuuertj bedreig door 't verluus van zie laefgebied, meh minder es ieëre woort gedach.

De groeatoeartenrek is e klein sjaermoesechtig bieësjke mit kórte, zaachte vach, 'ne langen, häörige stert en groeate oetstaekendjen oeare. Vólgreudje bieëster waege tösse de 5 en 8 g en zeen 60 toet 75 mm lank, mit 'ne stert dae nans half zoea lank is. De rögkkantj is griezig broen of roeadbroen enne boekkantj is vaalgaeltsig wit. De groeatoeartenrek óngersjèdj zich van anger tenreks inne femielje doordet t'r 34 tenj inplaats 36 haet. Waat ouch uniek is binne de femielje is det de vruikes breustig waere dewiel ze nag milk gaeve, wodoor ze in staot zeen 'ne nuje wórp te drage dewiel ze nag 'n ès veuje.

Groeatoeartenreks aete veurnamelik termiete die ze vinje door nao häör geluid te loestere. Ze höbben e lankzem metabolisme en zeen heterothermisch, waat mèntj det häör liefstemperatuur mitsjoegkeldj mitte ómgaeving. Me mót waal opmirke det zwanger en zougendje vruikes 'n hoger en stendiger temperatuur behaje. De bieësjkes zeen meistes stèl op 't heitste puntj vannen daag en verstaeke zich den op toe plaatser wie haol boumstamme of läöker.

Taxonomie[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Groeatoeartenrek&oldid=392701"