Afroinsectiphilia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Tenrec ecaudatus.

De Afroinsectiphilia vörmen 'n klaad van veurnamelik in Afrika woeanendje insektenaeters die is veurgestèldj gewaoren op gróndj van rizzelaote in modern moleculair fylogenetisch óngerzeuk. Van väöl vanne taxa binne dees klaad woort vreuger gedach det ze deil oetmaakdje vanne orde de insektenaeters (Insectivora), mer det is ónwaort gebleke.

De góldmöl en tenreks zeen betrèkkelik zeker lid van dees klaad. Recènter óngerzeuk plaats ouch de elefantsjaermuus en 't aerdverke d'rónger; traditioneel woorte dees betrach es primitief hoofdere. De zöstergroep vanne Afroinsectiphilia is de Paenungulata; die van aadshaer oet ouch es hoofdere woorte gezeen.

Taxonomie

• Riek: Animalia (dere)
  • Stam: Chordata (chordabieëster)
    • Klas: Mammalia (zougdere)
      • Klaad: Eutheria (echte bieëster)
        • Infraklas: Placentalia (moderkookbieëster)
          • Magnorde: Afrotheria
            • Superorde: Afroinsectiphilia

De nag-laevendje Afroinsectiphilia waeren es volg wiejer óngerverdeildj:

• Superorde: Afroinsectiphilia
  • Orde: Afrosoricida
    • Femielje: Tenrecidae (tenreks en ottersjaermuus)
    • Femielje: Chrysochloridae (góldmöl)
  • Orde: Macroscelidea (elefantsspitsmuus)
  • Orde: Tubulidentata (aerdverke)