Moderkookbieëster

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Moderkookbieëster höbben allemaol 'ne placenta.

De moderkookbieëster (Letien: Placentalia) vörmen ein vanne drie óngerverdeilinge vanne zougdere; de anger twieë zeen de cloacabieëster (Monotremata) enne bujelbieëster (Marsupialia). De moderkookbieëster versjèlle zich veurnamelik vanne anger zougdere doordet de vruikes de foetus innen uterus drage, wo d'r wuuertj gevoordj via 'n placenta, toetdet 't gans-óntwikkeldj bieës de gebaordje haet.

Anatomische kènmirker[bewirk | brón bewèrke]

Moderkookbieëster óngersjèjje zich anatomisch gezeen van anger zougdere door:

  • 'n äöpening anen óngerkantj van 't pelvis die groeat zat is veure gebaordje van e groeat naogeslech in betrèkking toete gruuedje vanne moder;
  • de aafwaezigheid van epipubische knäök die vanoet 't pelvis nao veur staeke, die me vindj bie al anger zougdere, wobie de fónksje bie neet-moderkookbieëster 't verstieve van 't lief tiejes de bewaeging is, meh bie moderkookbieëster zówwe ze de oetdiejing vanne boek tiejes de zwangersjap verhinjere;
  • de echelste knäök vanne voot passen in 'ne kómp dae wuuertj gevörmp door 't ènj vanne tibia enne fibula en vörme zoea 'n kómplieëte pen-en-gaatverbinjing veur 't bäövelste inkelgewerf;
  • de aanwaezigheid van 'ne knókkel óngerane fibula.

Taxonomie[bewirk | brón bewèrke]

De moderkookbieëster waeren es volg wiejer óngerverdeildj:

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Moderkookbieëster&oldid=408304"