Geliënde

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


De Geliënde ies 'ne zankgroep oet Arensgenhout-Hölsberg, besjtaonde oet Maurice Pluijmakers en Roger Vliegen.

De Geliënde heesje tot november 2009 "De Drie Geliënde", wie Jos Gijzen nog debie waor. Es muzikante van de fanfare Sint Clemens van Arensgenhout woorte zie in 1995 gevraog um 'n ludieke act op te veure op 'ne jaorlikse fièsaovend. De naam ‘geliënde’ ies 'ne kniepoug nao de väöl geliènde muzikante, die fanfares en hermenieë inhure um op councourse hoag te score.

De lede van de groep sjrieve carnavalsleedsjes veur groepe en gruupkes van 't dörp. In 't naojaor van 2000 doon ze mèt aan 't LVK mèt 't nummer: "Es ich dien ouge zeen". Daomèt weurt de finale gehaold. Vanaaf dat moment sjteit 't trio gereigeld op 't podium van dees jaorlikse finale van 't carnavalsleed in Limburg.

Ze sjpele wiejer op carnavalsevenementen, zoa-es de 11e van de 11e in Mestreech (2006), De Zoepkoel in Venlo (2002, 2006, 2010) en De sjleting in Gulpe (2006 en 2009).

LVK[bewirk | brón bewèrke]

Op 't LVK (Limburgs Vastelaovesleedjes Konkoer) haolde de groep diverse kière de finale mèt hun composities:

  • In 2001 mèt 't leed: "Es ich dien ouge zeen"
  • In 2002 woorte ze driede mèt 't leed: "De patsj"
  • In 2003 mèt "De groate brook"
  • In 2004 mèt "De vaer"
  • In 2005 mèt "Es de sjpegel kós kalle"
  • In 2006 woorte ze driede mèt 't leed: "'t Lètste laok"
  • In 2007 mèt "Höb ich dat"
  • In 2008 mèt "De waeg op heim aan"
  • In 2010 woorte ze driede mèt 't leed: "Ónger dat läögske sjmink".

Externe link[bewirk | brón bewèrke]

[[1]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Geliënde&oldid=201950"