11e van de 11e

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


'n Träötende zate hermenie in Wiek (Mestreech)

De 11e van de 11e (èlfde van de èlfde) sjleit op d'n daag 11 november, es um precies 11 oere 11 in Nederlands Limburg, Noord-Braobant en Wes Duutsjland 't carnavalsseizoen begint. Dat gebeurt mèt eupeningsvieringe woain zank, dans en buut de bovetoan veure. Dao zint zietinge, bie-einkómste van de carnavalsvereiniginge mèt hun raode van èlf, Prins, Prinses, minister. Dao vinge raeveuringe en optraejes plaats. Op de Vriethof bieveurbeeld, in Mestreech vingk 'n happening plaats mèt zate hermeniekes, sjpaskapelle en ein aantal Limburgse artieste. In ander dörper vinge carnavalsaovende plaats in de plaatselike dörpshoezer.

Truuk in d'n tied[bewirk | brón bewèrke]

De Carnaval ies vanoet Duutsjland en mèt name oet 't Rienland (Kölle) hie nao toe euvergewejd. 't Ièrsj nao Mestreech rónd 1840, daonao nao Zittert, Valkeberg en Venlo en zoa wiejer.

Es in 't begin van de 19e ièw de Franse bezètting um ies in 't land van de Rien dörve de luuj wir mèt hun traditioneel fièste nao boete te kómme. Zoa ouch in Kölle in 't jaor 1822 mèt de Carnaval. 'ne Wèrkgroep, besjtaonde oet 11 persone, geit aan de geng. 't (gekke)-getal èlf weurt dan ummer miè in proclamaties gebroek en op den doer weurt 't commité (raod) van èlf leje gewoon de èlf geneump.

In deze regio valle de wienfièste same mèt de namesdaag van de heilige Maarten (Martinus) en daorum haet me op 'n gegeve moment deze belangrieke 11e daag van de 11e maond oetgerope tot sjtartpunt van 't carnavalsseizoen.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=11e_van_de_11e&oldid=429348"