Dwergsjaermoestenrek

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Gebied wo d'n dwergsjaermoestenrek veurkump.

d'n Dwergsjaermoestenrek (Letien: Microgale parvula) is 'n saort aan zougdere vanne tenrekfemielje. 't Bieës is inheimsj aan Madagaskar en zie netuurlik laefgebied besteit oet subtroeapische en troeapische vöchtige lieëglandj- en bergbusj. De saort wuuertj neet ech drek bedreig, meh de aantale loupe waal lankzemaan ómlieëg door 't verluus van laefgebiede.

Dwergsjaermoestenreks kómme veur van 't zujelik deil van 't eilandj Madagaskar toet gans in 't naordelik sjiereilandj; daomit zeen ze 't ènsigste knaagdeerechtig bieës det in dit specefiek deil van 't eilandj veurkump. Ze kómmen allein veur in ónaangetasdje bósgebiede tösse de 100 en 1.990 maeter baove zieëniveau. Wie de meiste anger tenreks aete ze insekte.

't Bieës is 'ne nechtelike jaeger en gebroek zien veurtrèffelike zich- en gehuuerszintuug veur 't vinjen en vange vanne proeaj. 't Bieës kan ouch räök hieveur gebroeke, mer 't maak lever broek van 't nachzich det 't haet. Dwergsjaermoestenreks höbbe groeate gehuuersorgane, juus wie de meiste anger sjaermoestenreks; mitte groeate, drejbaar oeare kónne ze de zaachste geluide van insekten inne buurt oppikke. Daonao broeke ze häör klein, meh sjerpe tenj veur ze te vange.

Dwersjaermoestenreks doon aan polygynie, waat mèntj det menkes mit twieë of mieëder vruikes pare.

Taxonomie[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dwergsjaermoestenrek&oldid=392693"