De Metsiers

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Mèt d'r roman De Metsiers debuteerde Hugo Claus in 1950 en e vestigde daomèt ooch z'n talaent es sjriever. Aanvankelek droog 't waerk d'r titel De eendenjacht. De Fraanse vertaling oet 1987 drègt dae naam nog ömmer: La chasse aux canards. E sjreef 't book in 1949 op 19 jaorige laeftied.

Achtergroond[bewirk | brón bewèrke]

Volges biografe sjreef-e 't waerk in 'ne mond tied en won daomèt 'n weddensjap över de vraog of-e capabel waor öm 'n waerk te sjrieve es wie William Faulkners As I Lay Dying. D'r oonbekènde Amerikaanse novellist Faulkner won in maart 1949 d'r Nobelpries vör literatuur es modernistische sjriever. E sjreef in 'ne techniek, dae an 't begin van d'r 20ste ieëw opkieëm in de Ingelsjtalige literatuur en stream of conciousness geneumd wert. In Fraankriek, en dus ooch in Belsj, waor dae techniek al an 't èng van d'r 19de ieëw bekaand es monoloque intérieur. Dizze techniek kenmaerkt zich o.m. dör 't mieëvoudig vertèlperspectief, dat ooch Claus in De Metsiers toepast. De verhaolthema's in 't waerk zeunt moord, abortus, zöster/broorverhouding, boete-echteleke relaties en aafzoondering.

Reakties[bewirk | brón bewèrke]

D'r roman en d'r sjriever waoërte in Vlaandere publiekelek verguisd. De Vlamsje pers sjreef: Rot van talent, maar vooral rot. 't Pallieterke, 'n doe nog väöl gelaeze extreem-rechs Vlamsj waeëkblad, sjreef: ...heeft Claus elf maal zijn bovenste best gedaan om in deliriumtoestand enkele onsamenhangende woorden naast elkaar te krabbelen.

De Metsiers waoërt da ooch oetgegaeve bie d'r Nederlandse oetgaever De Bezige Bij, oeë Claus al z'n aander waerk ooch publiceerde. De Metsiers waoërt in 1952 bekroeënd mèt d'r Vlamsje Arkpries van het vrije Woord, dae in 1951 ingesjtèld waoërt dör Herman Teirlinck en de redactie van 't Nieuwe Vlaamse Tijdschrift. Mèt d'r pries wól de organisatie väörkaome dat bekroompe ideologieje inbreuk zowwe make op 't rech op vriej mieningsuting en vrie deenke.

In 1950 sjreef Claus 't kortverhaol De Zwarte Keizer (oetgegaeve in 1958), oeë-in e twieë jónges an 't èng van d'r kreeg in 'n Brussels park, an d'r Keunsberg in d'r sjaem van 't sjtaandbeeld va Albert l, mèt 'ne verfroemelde próp gezèttepapier lut voetballe.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Metsiers&oldid=340669"