Daalstreeptenrek

Van Wikipedia
Naar navigatie springen Jump to search

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De bergstreeptenrek.
't Gebied wo d'n daalstreeptenrek veurkump.

d'n Daalstreeptenrek (Letien: Hemicentetes semispinosus) is 'n saort aan zougdere vanne tenrekfemielje. 't Bieës is inheimsj aan Madagaskar, wo 't veurkump inne troeapische, vöchtige raengerwajer op 't naorden en oeaste van 't eilandj.

't Lief vannen daalstreeptenrek is tösse de 12,2 en 16,5 cm lank en 't bieës waog zoeaget 200 gram. 't Is e klein bieës mit 'n lang snoet, lang lidmaoten en 'ne rudimentaire stert. De vach is zwart mit gael strepen euvere rögk vanne kop nao de stert en versprèdje stekele, wovan sómmige los kónne kómme. Wen 't bieës wuuertj bedreig duit t'r dees stekelen ómhoeag richten en ze inne naas of puuet vannen aanvaller duje. Wiejer gebroek t'r ze veur kómmunikaasje door ze taengein aan te wrieve.

d'n Daalstreeptenrek wóntj in lang, óndepe börchte; det doon ze in femieljeverbandj. Hae is zowaal 's nachs es euverdaags aktief en veudj zich mit naam mit insekte. Mit zien lang snoet kan d'r inne gróndj en tösse blajer en plantje wroette veur dao aete te vinje. Hae ètj wörm en vröchte.

Taxonomie[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Daalstreeptenrek&oldid=392689"