Chemelot
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Gelaens, es te dit dialek sjpriks.
Chemelot (woordspeul op chemie en Camelot, de legendarische residentie vaan keuning Arthur) is e groet sjemisch industirecomplex tösse Stein en Geleen, bij 't knouppunt Kierenshei (A2 - A76). 't Terrein löp in 't weste door tot aon 't Julianakenaal en besleit dao ouch de have vaan Stein. Sinds 2007 besleit 't ouch 't terrein vaan de vreugere staotskojl Maurits. Alles bijein mit 't complex zoe'n 800 ha. Vaanoet Geleen zelf bereik me 't oonder mie via de Julianatunnel.
Chemelot is in de jaore 1970 oontwikkeld um de werkeloesheid die 't slete vaan de kojle in Zuid-Limbörg achterleet op te vaange. DSM (lètterlek niks aanders es De Staatsmijnen) waor de oersprunkeleke bouwer; noe nog is dit bedrief eine vaan de groeter exploitante vaan 't terrein, neve SABIC. Kleinder gebrukers zien oonder mie EdeA, Polyscope Polymers, LVM, Nano Specials, Basic Pharma, Intertek en S-lec. Tot slot vint me ouch touwlieveringsbedrieve op 't terrein, die neet direk sjemisch vaan aard zien, wie Wim Bosman Logistics, Laudy Bouw en Ontwikkeling, Océ Business Services en Profcore Product Handling. 't Complex profileert ziech gere es e centrum vaan sjemische innovatie, wat moot gebäöre in de zoegeheite Research en Business Campus.
Bron
[bewirk | brón bewèrke]Dit artikel is gebaseerd op 't corresponderend Nederlandstaoleg artikel, en wel in dees versie.