DSM

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Heëlesj, es te dit dialek sjpriks.

Hoofketoer DSM in Heerle.

DSM, voloet Keuninkleke DSM (Nederlands Koninklijke DSM) is e sjemisch bedrief wat gevesteg is in Nederlands Limbörg. 't Bedrief hèlt ketoer in Heerle, meh de bedrievegheid gebäört op 't Chemelot-industrieterrein bij Geleen zoewie in versjèllende febrikke in binne- en boeteland. DSM is in 1902 opgeriech es staotsbedrief veur de exploitatie vaan staotsmijne. Wie in 1973 de lèste mijn touwgóng besloot me de aofkorting DSM, die stoont veur De Staatsmijnen of Dutch State Mines, officieel te make. 't Bedrief deeg toen al tientalle jaore aon petrosjemische industrie; de regering had die tak hendeg versterk um de sleting vaan de kojle op te vaange. Veuroetloupend op dit alles waor 't bedrief ouch al sinds 1967 geprivatiseerd tot 'n NV. In 1989 góng 't bedrief nao de bäörs. Bij 't hoonderdjaoreg jubileum in 2002 woort 't predikaot 'keuninklek' touwgeveug.

Ind 2020 wèrkde bij DSM 23.127 lui, boevaan 3.858 in Nederland (neet allemaol in Geleen). D'n umzat waor dat jaor 8,1 mieljard euro, de wins laog op 508 mieljoen. In 2023 wèlt me 't hoofketoer verplaotse vaan Heerle nao Mestreech.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=DSM&oldid=451325"