Hektaar

Van Wikipedia
(Doorverweze van Hectaar)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Verbiljing van 'n hektaar.

'n Hektaar is 'n einheid van oppervlakdje van 100 m × 100 m = 10 000 m² en wuuertj aafgekórt es ha.

'n Hektaar is 'n aafkórting van hecto-are, ofwaal 100 are. Ein are haet 'n oppervlakdje van 10 m × 10 m = 100 m².

100 hektaar gaon in 1 km². Eine veerkantje kilomaeter haet 'n oppervlakdje van 1 000 000 m².

De hektaar enne are bestaon es einheidsmaot saer de inveuring van 't metriek stèlsel in 1816. Daoveur hantjeerdje me begrippe wie bunjer en mörge (óngevieër geliek aan 'n hektaar), die beraekendj waren op gróndj van in daen tied geljendje lindjemaote wie: 'n èl, 'ne voot, 'ne roede en 'n doem. De aafmaetinge die daomit woorten aangegaove versjildje van plaats toet plaats en van gebied toet gebied. Allewiel zeen dees benamingen allein nag in gebroek inne lokaal spraektaal.

Veur 'n veurstèlling te kónne make wie 'n hektaar d'roet zuutj: me kan dinken aan angerhalf voetbalveldj. E voetbalveldj mètj óngevieër 68 m × 105 maeter, dus: 68 m × 105 m × 1,5 = 10710 m² en det is ruum ein hektaar = 10 000 m².

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hektaar&oldid=361837"