Koalmet
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Koalmet (Nederlands: Colmont) ies 'n buurtsjap van De Berg (Ubachsberg) in de gemeinte Voelender in 't Limburgse Heuvelland. Ouwer name zint Kollemonde en Coelmont. De naam geit truuk nao 't Latiense calvum montem wat kale berg beteikent. De buurt umvay zoan 30 häöf en hoezer, woa ca 80 luuj in wone. Op 'n T-sjplietsing sjteit 'n baekapel, opgetrokke in kundersjtein. Ze ies in 1946 geboewd oet dankbaarheid dat 't gehuch zónder väöl geweld bevried ies geworde in de Twiède waereldoorlog. De kapel ies gewiejd aan de heilige Cornelius.
Koalmet ies hoag gelege op 't plateau in Zuud-Limburg. De umgeving ies euvergangsgebeed tösje de Duutsje Eifel en de Belzje Ardenne. In de buurt liegke natuurreservate: de Koalmeterbösj, de Vrouwehei mèt windmeule, de Kunderberg en de Pötberg. Hie liegke reste van kalkoves. De Vrakelberg haet 'n hellingspercentage van 11%. Typisch zint de haol waeg. 'n Aantal hoezer ies geboewd in kundersjtein.
|
|
 |
|---|---|
| Dörper: De Berg | Klumme | Kunder | Ranzel | Voelender | |
| Buurtsjappe en gehuchte: 't Breer | Dolberg | Frómmerig | Gerieësjbrich | Geweustrao | Koalmet | De Koeële | Krawbich | Luuëbesj | Mingesjborg | Opsjuuëmer | Termaar | Termoorsj | De Uuëverhieëk | Windjhage | |
