Frómmerig

Dit artikel is gesjreve in 't Wieldesj. 't Weurt gewaardeerd óm in dit artikel 't Wieldesj aan te hauwe of aan te gaeve welk anger dialek gebroek is.

---

Frómmerig of Vrómmerig (Nederlands Fromberg) ies 'n buurtsjap van Ubachsberg in de gemeinte Voelender in Zuud Limburg. Tot 1982 huurde 't gehuch bie Wielder, (Wijlre) en ze kalle dao ouch Wieldesj. 't Gehuch ies tieën häöf en hoezer groeët en bevingk zich naeve Aeëtenake, allèng gesjeie durch 't sjpaor van 't miljoenelijntje van Sjin op Guuël nao Sumpelveld. De hoezer ten zuidweste van dees sjpaorbaan huuëre bie Wielder-Aëtenake. 't Viaduc ónder 't sjpaor is gemetseld, in baksjtein, mèt 'ne 3 meter hoeëge, haufrónne baog.

De Vrómmerigerhaof is verdeild in vakantie-appartemente. In de jaore zestig is ei hieël oud vakwerkhoes en 'ne pöt mit vakwerk-pöthuuske aafgebraoke.

't Wiengood Fromberg liek hoager op, bie Ubachsberg.