Welsje

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Dit artikel geit euver 't vouk vanne Britse Eilenj; veur 't vouk in Belsj, zuuch: Walloniërs.

De Welsje (Ingels: Welsh people; Welsj: Cymry) vörmen e Keltisch vouk det inheimsj is aan Wales enne ómringdje eilenj. Van oearsprónk kalle zie de Welsje spraok, mer allewiel wuuert dore meiste van häör 't Ingels es moderspraok gebroek; al guuef 't waal e deil gebiede wo 't Welsj nag ummer dore mieëderheid vanne bevölking wuuert gekaldj. Same mitte Ingelse, de Sjotten enne Naord-Iere zeen zie euverwaegendj Britse börgers van 't Vereinig Keuninkriek.

't Guuef nag e deil Welsje gemeinsjappe boeten 't Vereinig Keuninkriek, worónger in Canada enne Vereinigdje Staote. De gemeinsjap in 't Argentiense Patagonië wuuert hiebie in 't biezunjert aangehaoldj, went die haje nag ummer vas aan e deil aaj trediesjes, worónger de Welsje spraok.

Bekandje Welsje

Laura Ashley - óntwirperin
Shirley Bassey - zengerin
Aneurin Bevan - politieker
Richard Burton - aktäör
John Dee - alsjemis
George Everest - óntdèkkingsreiziger
Owen Glendower - Prince of Wales
Henry V van Ingelandj - keuning
Henry VII van Ingelandj - keuning
Anthony Hopkins - aktäör
Augustus John - kónssjiljer en teikenieër
Catherine Zeta Jones - aktires
Ernest Jones - psychiater
Tom Jones - zenger
Thomas Edward Lawrence (Lawrence van Arabië) - archeoloog en soldaot
Desmond Llewellyn - aktäör
Richard Llewellyn - romansjriever
David Lloyd George - politieker
Ray Milland - aktäör
Ivor Novello - kómpenis
Bertrand Russell - filosoof
Howard Spring - romansjriever
Dylan Thomas - dichter
Edward Thomas - dichter
Alfred Russel Wallace - weitesjapper