Welsh

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Welsh of Cymrisch (inheimse naom Cymraeg) is de taol die vaanajds in Wales gesproke weurt. 't Is vaan alle Keltische taole de groetste: 't gief 580.000 sprekers, oongeveer 20% vaan de Welshe bevolking; in 1991 waor dat nog 18%. In 't diechbevolkte zuide, boe de hoofstad Cardiff ligk, euverhiers 't Ingels; in 't midde en noorde evels is 't Welsh de taol vaan de mierderheid; 't feit dat die gebiede dun bevolk zien zörg deveur tot meh 'n minderheid de taol sprèk. Welsh is de einege Keltische taol die nog in alle domeine leef; de sprekers vaan de aander taole woene in gebiede die in de twintegste iew twie- of dreitaoleg gewore zien en höbbe dageleks mèt sprekers vaan groete taole te make.

't Welsh behuurt mèt 't Cornisch en 't Bretoens tot de zuideleke tak vaan Keltische taole, die wel same 't p-Keltisch geneump weure. De aander Keltische taole heite daan q-Keltisch (vergliek Welsh pwy; Iers "wee").

Extern linke[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Welsh&oldid=432142"