Weesp

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Weesp Gewaeze gemeinte in Nederlandj
Gevörmp
Opgehaeve	2022
Opgegange in	Amsterdam
Provincie	Noord-Holland
Hoofplaats	Weesp
Opperflaakde (bie opluffing)	21,83 km²
– daovan water:	1,32 km²
Inwoeners (kort veur opluffing)	18.827 (30-4-2017)
– deechde:	918/km²
Lies van börgemeisters

Weesp is e stedsje in de gemeinte Amsterdam, in de Nederlandse provincie Noord-Holland, mèt 18.827 inwoeners (30 april 2017, bron: CBS) en 'n oppervlak vaan 21,83 km² (daovaan 1,32 km² water). Binnen 't stadsdeil Weesp ligke ouch nog de gehuchter De Horn en Uitermeer.

Functies

Weesp is e veurnaom verkiersknouppunt; zoe koume bij de Weesper statie de lijne nao Amsterdam, Hilversum, Amersfoort en Lelystad same. Vaan historisch belaank is 't Weesper porselein, vaan toeristisch belaank zien de Weesper móppe, 'n soort keukskes.

Ligking en beziensweerdeghede

Weesp ligk aon 't Amsterdam-Rijnkenaal, aon d'n Utrechse Vecht en aon de Smalle Weesp. 't Stedsje heet väöl vaan zien aajd aonzien bewaord. 't Vermelde weerd zien o.m. 't aajd raodhoes oet de achtiende iew, de walmör en de aw bastions en twie forte oet de Stèlling vaan Amsterdam.

Historie

Weesp kraog in 1355 vaan graof Wöllem V vaan Holland stadsrechte.

In miert 2018 woort in e rifferendum gekoze veur 'n inlieving bij de gemeinte Amsterdam. Dit waor ouch wat de gemeinte wouw. Alternatief waor 'n inlieving bij Gooise Meren. De bestuurleke fusie woort op 24 miert 2022 voltrokke.

Gebore of opgetrókke in Weesp

• Willem van Beusekom, radio-dj
• Sacha de Boer, nuitslezeres
• Midas Dekkers, bioloog
• Wendy van Dijk, actries en tv-presentatries
• Debby Petter, nuitslezeres en presentatries

Externe link

• Website vaan 't stadsdeil Weesp