Lelystad

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte Lelystad

Veendel vaan Lelystad

Waope vaan Lelystad

Gemeinte Lelystad in Flevoland

Provincie Flevoland
Hoofplaats Lelystad
Börgemeister (lies) Margreet Horselenberg (PvdA)
Opperflaakde
– daovan water
765,39 km²
532,65 km²
Inwoeners
deechde:
75.317(1-2-2012)
324/km²

Lelystad is de hoofstad vaan de provincie Flevoland, allewel tot 't in de sjeem vaan 't groeter Almere steit. De stad heet zoe'n 75.000 inwoeners, en de gemeinte besleit wel 764,70 km2; daomèt is 't de groetste gemeinte vaan Nederland es me water mètrekent. Lelystad ligk aon d'n A6 en vörmp (tot ind 2012) 't eindpunt vaan 't spoor Weesp-Lelystad. De plaots is geneump nao dr.ir. Cornelis Lely.

Insignes[bewirk | brontekst bewerken]

't Waope vaan Lelystad liet ziech zoe besjrieve: vaan goud, mèt e motief vaan aoneingeslote zesheuk vaan sabel; veurzeen vaan e hartsjèld vaan azuur mèt 'n lelie vaan zèlver; es sjèldhawwers twie (heraldische) zieliewe gedeild vaan goud en zèlver, gevind, genageld en getóngk vaan keel.

De zesheuk symbolisere de basaltblök boevaan zwoer ziedieke zien gemaak; 't hartsjèld is 't waope vaan de femilie Lely en natuurlek 'n verwiezing nao de naomgever vaan de stad.

Stadsfuncties[bewirk | brontekst bewerken]

Lelystad heet es provinciehoofstad en centrum vaan e watersjap 'n functie es bestuurscentrum. Zien economisch belaank blijf daobij achter. De bevolking is veural aofkumsteg oet Amsterdam. 't Gief e klein vleegveld, boebij in de buurt 't lochvaartmuseum Aviodrome steit.

Stadsgeziech[bewirk | brontekst bewerken]

Lelystad is gebouwd vaanaof midde jaore zesteg en heet wieneg monumintaol gebouwe; minder es Almere. De nuibouw is nao 't succes vaan zie zuidwestelek zöster stopgezat, umtot de aongreuj te klein waor. 't Verwach aontal inwoeners vaan hoonderddoezend heet me nog laank neet gehaold, umtot de plaots noe eine kier wijer vaan Amsterdam ligk es Almere. D'n opzat is evels ruim en good doordach; zoe gief 't fietsweeg die gaans oonaofhenkelek vaan de otoweeg luipe. Boete de stad vint me 'ne replica vaan 't zeventiendeniews sjeep de Batavia, 'n outletcenter mèt de naom Batavia-Stad wat op e fort liekent en 't natuurgebeed de Oostvaardersplassen, wat e paar veur Nederland unieke soorte hoesvès.

Historie[bewirk | brontekst bewerken]

In 1957 veel de polder Oostelek Flevoland druug, boe me in 1965 Lelystad stiechde. De ierste jaore greujde de stad hendeg snel, en woort ze direk bestuurd door de landdros veur de Zuieleke IJselmeerpolders. In 1980 woort 't binne dat gewes 'n apaarte gemeinte en wie in 1986 de provincie Flevoland woort opgeriech, maakde me Lelystad dao hoofstad vaan. De greuj stagneerde in deen tied: in plaots vaan de beuigde 100.000 inwoeners bleef de populatie stoon op 70.000.

Taol[bewirk | brontekst bewerken]

Door de aofkoms vaan zien bevolking is de volkstaol vaan Lelystad 't Amsterdams.

Flevoland

Almere | Dronten | Lelystad | Noordoospolder | Urk | Zeewolde

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Lelystad&oldid=337955"