Noordoospolder

Van Wikipedia
Naar navigatie springen Jump to search

Dit artikel is begós in 't Mestreechs. Laes hie wie v'r mit de versjillende saorte Limburgs ómgaon.


Ligking vaan de Noordoospodler in Flevoland

De Noordoospolder (Nederlands: Noordoostpolder) is 'ne polder en 'n gemeinte in de Nederlandse provincie Flevoland. Mèt 'n oppervlekde vaan 595,41 km2 (boevaan 135,36 km2 water) is de gemeinte ein vaan de groetste vaan Nederland, 't totaol aontal inwoeners waor 46.603 per 1 april 2016. Hoofplaats is Emmeloord, kleinder dörper zien Bant, Creil, Ens, Espel, Kraggenburg, Luttelgeest, Marknesse, Nagele, Rutten en Tollebeek. 't Veurmaoleg eiland Urk is gans geïntegreerd in de bedieking vaan de polder meh huurt neet bij de gemeinte Noordoospolder. Veur 't aajd, verlaote eiland Schokland gelt dit wel.

Historie[bewirk | brón bewèrke]

De Noordoospolder waor oonderdeil vaan 't Plan vaan Lely, en woort in 1918 opgenómme in de Zuiderziewèt. Tösse 1936 en 1940 woorte de dieke aongelag, daonao begós me de polder druug te maole. In 1942 veel de polder druug. In de res vaan d'n Twiede Wereldoorlog waor 't e touwvlöchoord veur oonderdoekers, umtot de Pruse de polder neet of aamper dorste betreie. In de jaore viefteg woorte de pioniers vervange door regulier bewoeners, zörgvuldeg oetgezoch oet de boerebevolking vaan bekans 't gans land. De versjèllende immigrantegrope woorte opzèttelek doorein in de dörper geplaots um kliekvörming tege te goon. De plaotse woorte geneump nao verdwene, invreuger tije door de zie verzwólge dörper. Me góng bewös oet vaan ein klein stad (Emmeloord) mèt alle veurzeninge in 't centrum vaan de polder en kleinder dörpkes op fietsaofstand daovaanaof. Tot 1962 stoont 't gebeed oonder besteur vaan 'ne landdros; daonao woort 't 'n gemeinte vaan Euveriesel. Bij de instèlling vaan de provincie Flevoland in 1986 woort de Noordoospolder daobij ingedeild.

Externe link[bewirk | brón bewèrke]

 
Flevoland
Vaan van Flevoland

Almere · Dronten · Lelystad · Noordoospolder · Urk · Zeewolde

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Noordoospolder&oldid=408093"