Waopes vaan Euverijssel

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De provincie Euverijssel heet e waope, zij 't eint vaan de jónger provinciewaopes vaan Nederland. Ouch de Euverijsselse gemeintes en de mieste ex-gemeintes kinne 'n eige waope.

Dit kump oonder mie doortot in 1898 de provincie Euverijssel in zie nui provinciehoes alle gemeintewaopes in glaas-in-loed wouw opnumme. De gemeintes zoonder waope höbbe toen massaol eint aongevraog. Op dat memint waor allein de gemeinte Schokland (in 1859 oontruimp) opgeluf; alle vreuger Euverijsselse gemeintes boete Schokland höbbe daorum e waope.

Provinciewaope

Euverijssel heet e waope wat ziech zoe liet umsjrieve:

In goud 'ne golvenden dweersbalk vaan lazuur (blauw); euver alles heer 'ne liew vaan keel (roed), getongk en genageld vaan lazuur. 't Sjèld gedèk mèt 'n gouwe kroen vaan vief blaajer en veer perele en aon bieskaante gehawwe door 'ne liew in natuurleke kleure.

Iewelaank waor Euverijssel gein apaart gewes; 't stoont bekind es 't Euverstiech, dat deil vaan 't Stiech wat vaanoet de stad Utrech gezeen aon de aander kant vaan d'n IJssel lag, zeker wie de graove, later hertoge vaan Gelder de tösseligkende Veluwe pakde. Wie in 1528 Sjarel V 't Stiech annexeerde maakde heer vaan 't Neder- en Euverstiech twie versjèllende geweste, mèt twie versjèllende waopes. Umtot de annexatie vaan 't Stiech formeel gebäörde in naom vaan Holland (graof vaan Holland waor ein vaan Sjarel V zien väöl titels), veurde me 'n gebroke versie in vaan 't Hollands waope: op 't veld, en oonder de liew, kaom 'ne gegolfden dweersbalk dee d'n IJssel veurstèlt.

Naotot ouch Euverijssel ziech bij d'n Opstand aonslut, hawwe de staote dit waope aon meh veuge ze 'n lauwerkroen en twie liewe es sjèldhawwers touw. Die kroen waor in d'n tied vaan de Rippubliek wel umstrejje: Euverijssel waor noets mie es 'n hierlekheid gewees en dao waor gein kroen veur. In 1816, oonder 't Keuninkriek dus, koos me tot slot veur 'n graovekroen. De liewe woorte toen aonziend, en oonder 't sjèld kaom op e lint Transisalania te stoon, de naom vaan de provincie in 't Latien. 't Waope bleef officieus tot op 6 mei 1950, wie bij Keuninklek Besluut 't waope woort verliend; zoonder 't oondersjrif en mèt de sjèldhawwers weer in oersprunkeleke positie.^[1]

Gemeintewaopes

Vreuger gemeintewaopes

Zuug ouch: Lies vaan geweze gemeintes in Euverijssel

Opmerkinge

De gemeinte Schokland (noe in Flevoland, meh in d'n tied vaan zien zelfstendegheid vallend oonder Euverijssel) droog gein eige waope.^[2]
De nog bestaonde gemeintes Noordoostpolder (1962-1986) en Urk (1950-1986) hoorte vreuger ouch bij Euverijssel; zuug veur hun waopes oonder Flevoland.

Dörpswaopes

Zeker ei dörp wat noets 'n gemeinte is gewees kint 'n eige waope.

Nijverdal (Hellendoorn)

Rifferenties

↑ Hubert de Vries, Wapens van de Nederlanden. De ontwikkeling van de heraldische symbolen van Nederland, België, hun provincies en Luxemburg, Amsterdam, Uitgeverij Jan Mets, 1995: pp. 159-61, 209.
↑ Heraldrywiki - Schokland

Waopes in Nederlandj
Drenthe \| Euverijssel \| Flevolandj \| Frieslandj \| Geljerlandj \| Groninge \| Limburg \| Naord-Braobentj \| Naord-Hollendj \| Utrech \| Zielandj \| Zuud-Hollendj

[1] Hubert de Vries, Wapens van de Nederlanden. De ontwikkeling van de heraldische symbolen van Nederland, België, hun provincies en Luxemburg, Amsterdam, Uitgeverij Jan Mets, 1995: pp. 159-61, 209.

[2] Heraldrywiki - Schokland

[1]

[2]