Waolse Medammekoer

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


De Waolse Medammekoer waor 'n theaterproductie, woabie Vastelaovend en theater ziech tegekaome in 't decor van 'ne café "de Waolse Medammekoer". Kasteleinse May Kraaktuut (Tilly Maessen) en sjtamgas Nikkela (Thei Dols) presentere ziech in dit ouwerwèts Belsj stamineeke mèt de kleinkuns van carnaval.

Actueel, nostaligisch, brutaal, leef, sjpiets en cabaretesk waor dees productie en same mèt Wienand (Marc Hermans) voolt de toesjouwer 't theatrale van de Limburgse levessjtiel mèt 'n kniepuigske nao 't dageliks besjtoon. Tal van gaste, woa-ónder zengersj, buuttereednersj, koare en dansgroepe kaome veur 't vootleech.
't Gehièl woort muzikaal óndersjteund door 't Medammekoer-orkes o.l.v. Ivo Rosbeek en Emile Szarkowicz.
De veursjtèling waor ouch te zeen in de theaters in de provincie. De regie waor in heng van L1.


De volgende sectie van dit artikel is gesjreve in 't Norbiks.

Dees Waolse Medammekoer waor 'n gedörfde kléékeunsproductie an 't begin van 't millenium. De väörsjtèllinge gènge dör in de Bonbonière in Mestreech en waoërte integraal oetgezonde op L1-TV. In dis produktie wert de Nederlands-Limburgse werkelekhèèd nao 't Belsj getransponeerd. Ooch Shakespeare transponeerde z'n sjtökker al - öm veilighèèdsraejes - nao aander leng.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Waolse_Medammekoer&oldid=115092"