Wantsekroed

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Wantsekroed.

Wantsekroed (Actaea cimicifuga of Cimicifuga foetida) is 'n kroedechtige plantj oete ranonkelfemielje (Ranunculaceae). Ieëre woort dees plantj ingedeildj ónger Cimicifuga, mer allewiel wuuertj ze veurnamelik ingedeildj ónger Actaea. Wantsekroed kump veur in Europa, Siberië en Oeas-Azië.

Vreuger maakdje me gebroek van 't wantsekroed taenge wandjluus. Zoea dieëj me-n 't kroed in 't bèdgood. Doordet de plantj bekèndj steit good te stinke, heel ze 't óngesiefer oppen aafstandj.

't Wantsekroed greutj op 'n huuegdje van 0 toet 1500 m baove zieëspegel. De plantj wuuertj 0,75 toet 2,5 m hoeag en haet 'ne wortelstek. De bleujtied vèltj inne zomer: van junie toet september.

't Kroed is lichtelik vergiftig.

'n Verwantje plantj die väöl veurkump in sierhäöf is zilverkaes (Cimicifuga heracleifolia), aevenes Cimicifuga racemosa.