Zilverkaes

Van Wikipedia
(Doorverweze van Cimicifuga heracleifolia)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Zilverkaes.

Zilverkaes (Actaea heracleifolia of Cimicifuga heracleifolia) is 'n plantjesaort oete ranonkelfemielje (Ranunculaceae). De plantj woort ieëre ingedeildj ónger 't geslech Cimicifuga, mer allewiel veural ónger Archaea. Zilverkaes kump oearsprunkelik veur in Azië, mit naam in Naord-Sjina, Mansjoerieje en 't gebied rónjelómme reveer d'n Amoer. Wiejer kump de plantj veur in sierhäöf.

De zilverkaes is 'n hoeage, kroedechtige plantj die toet 1 m en zelfs get hoger greutj. Wiejer haet de plantj 'ne kreftige, zwertsige wortelstek. De beblajerdje stengel is kaal (ónbehaordj).

De bleujtied is van augustus toet september.

De millesiene die oete wortelstek waere gehaoldj wirken antibacterieel, antiviraal, pien-verlichtendj, koearts-verlieëgendj en beroewigendj. Hiedoor is 't kroed 'n aad hoesmiddel taenge kop- en kaelpien, tandjvleisóntstaekingen en anger gekrenkdjes. De wortele waere daoveur biejeingezameldj inne herfs en kónne zowaal vers es gedruueg waere gebroek.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zilverkaes&oldid=416989"