Walvisbaai

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Oetzich euver Walvisbaai.

Walvisbaaj (Nederlandjs en Afrikaans: Walvisbaai; Ingels: Walvis Bay; Duutsj (verajerd): Walfischbucht; Otjiherero: Ezorongondo) is 'n stad enne wichtigste zieëhave van Namibië. De vèsserie van Walvisbaai vörmp e wichtig deil vanne ikkenomie van Namibië.

Gesjiechte[bewirk | brón bewèrke]

Óngerwaeges veur róndj Afrika óm te vare nao India kwaam Bartolomeu Dias op 8 dieëtsember 1487 aan inne netuurlike bej van Walvisbaai. Dees bej neumdje d'r O Golfo de Santa Maria da Conceição. De Portugeze höbbe wiejer gèn mote gedaon veure bej te haje.

In 1793 nome de Nederlandjse autoriteite vanne Kaapkolonie bezitj vanne Walvisbaai. In 1878 woort 't opgeisj dore Britte. Bieje Koloniaal Conferentie van Berlien (1884-1885) woort Walvisbaai erkindj es 'n Britse enclaaf inne Duutsje kolonie Duutsj-Zuudwès-Afrika.

In 1910 góng Walvisbaai same mitte Kaapkolonie op inne Unie van Zuud-Afrika, e zelfbesturendj deil van 't Brits Riek. In 1911 woorte mit Duutsjlandj de prónte grenze vanne enklaaf aafgestump. 't Gebied besloog 'n oppervlakdje van 1124 km² tösse de reveermunjinge vanne Swakop enne Kuiseb.

Nao d'n ónaafhenkelikheid van Namibië in 1990 bleef de enklaaf nag toet en mit 28 fibberwarie 1994 bie Zuud-Afrika huuere; daonao woort de enclaaf opgehöf en is Walvisbaai 'n óngerdeil van Namibië gewore.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Walvisbaai&oldid=442569"