Wallis (kanton)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Kanton van Zwitserland Wallis
Hoofplaats	Sion
Opperflaakde	5.225 km²
Inwoeners – deechde:	374.461 (september 2025) 64/km²
Lid Zjwitsers Eidgenoedsjap saer	1815
ISO 3166-2	VS
Tale	Frans, Duits
Website	www.vs.ch
Distrikte van Wallis

D'n Aletschgletsjer, de groetste gletsjer vaan Europa, kinmerk 't berglandsjap vaan Wallis.

Kestiel en kathedraol vaan Sion. Veural 't Franstaoleg deil heet ouch väöl cultuurmonuminte.

Wallis (Frans: Valais) is eint vaan de 26 kantons vaan Zwitserland. 't Ligk in 't zuidweste vaan 't land, tege de grens mèt Italië en Fraankriek, en weurt gevörmp door 't dal vaan de Rhône (Duits ouch Rotten) vaanaof de Rhônegletsjer tot aon 't Meer vaan Genève. 't Kanton is 5224,64 km² groet; in september 2025 woende hei 374.461 lui. Taolkundeg-cultureel is Wallis verdeild in e Duitstaoleg deil (Bove-Wallis, in 't ooste) en e Franstaoleg deil (Oonder-Wallis, in 't weste). In oppervlaakde zien die zoeget geliek, meh 't Frans deil is väöl diechter bevolk. De 'Duitstaolege' bevolking sprik 't Walserduits, e hendeg conservatief en veur aander Zwitsers lesteg verstoonbaar Alemannisch dialek. Aon de Franstaolege kant leef in 'n inkel dörp nog 't Francoprovençaols. Hoofstad is Sion (Sitten op z'ch Duits).

Wallis trèk jaorleks väöl toeriste, zoewel veur de wintersport es in de zomer. Me vint me tal vaan natuurmonuminte, wie d'n Aletschgletsjer (de groetste gletsjer vaan Europa) en de Matterhorn. De Dufourspitze is mèt 4634 d'n hoegste berg vaan gans Zwitserland.