Kanton

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


E kanton is 'n besjtuurseinheid die neet meer veurkump in Nederlandj, mer waal nog op 't Belsj. Meistal is e kanton de besjtuurslaog baove die van de gemeintes. Kantons kómme in Europa boete 't Belsj nog veur in Frankriek, Luxemburg en Zwitserlandj. De precieze inhadelikheid van dees kantons varieert van landj toet landj:

  • In 't Belsj sjteit 't kanton baove de gemeintes en maak m'n 'n óngersjied tösse de keeskantons en de gerechtelike kantons;
  • In Frankriek bevindj zich 't kanton tösse de gemeintes en 't arrondissement;
  • 't Landj Luxemburg is drek ingedeild in kantons, die weer oet gemeinte besjtaon (De distrikte die baove de kantons loge zeen aafgesjaf in 2015.);
  • De Zwitserse kantons vörme de hoogste binnelandjste besjtuurslaog van 't landj en kómme qua autonomie en beveugheje euverein mit 'n deilsjtaot.

Anger lenjer kinne döks saortgelieke besjtuurseinheje, meh die kriege meistal neet de benaming kanton. In Ingelandj zeen zon saortgelieke besjtuurseinheje de distrikte en in Pruses de Landkreise.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kanton&oldid=454057"