Neuchâtel (kanton)

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

Kanton van Zwitserland Neuchâtel
Hoofplaats	Neuchâtel
Opperflaakde	803 km²
Inwoeners – deechde:	178.100 (december 2015) 222/km²
Lid Zjwitsers Eidgenoedsjap saer	1815
ISO 3166-2	NE
Tale	Franzuësisj
Website	www.ne.ch
Distrikte van Neuchâtel

Neuchâtel (Dütsj: Neuenburg; Zjwitserdütsj: Nöieburg; officieel: République et Canton de Neuchâtel) is 'n kanton i Romandië, 't francofone deel van Zjwitserlank. De hoofsjtad is Neuchâtel, meh de groeëtste sjtad is La-Chaux-de-Fonds.

Geografie

't Kanton Neuchâtel ligk i g'ne Jura. 't Grens aa Frankriek, 't Meer va Neuchâtel en aa de kantons Bern, Jura en Vaud. 't Kanton weëd opgedeeld i drei regio's: de wieënregio Venoble aan 't meer, Les Valleés en de Neuchâteler Bergregio. I die letste regio ligk óch de sjtad La-Chaux-de-Fonds. Les Valleés sjteet bekank um höare valleie.

Plaatsj

De hoofsjtad hat ungeveër 33.700 iwuënesj en La-Chaux-de-Fonds hat bekans 39.000 lüj. Le Locle is de dèrde sjtad mit 10.440 iwuënesj.

Distrikte

't Guëf zès distrikte in 't kanton Neuchâtel:

• Neuchâtel
• Boudry
• Val-de-Ruz
• Val-de-Travers
• La-Chaux-de-Fonds
• Le Locle

Bevólking

Va de iwuënesj kalt mieë as 85% Franzuësisj, 4,1% Dütsj en 3,2% Italiaans. Anger sjproake weëde durch zoeën 7,4% va de bevólking gekald. Van aodsher ís 't kanton protestants, meh van alle iwuënesj is ungeveër 38% protestants en 31% katheliek.

Economie en toerisme

't Kanton sjteet unger anger bekank um zinge wieën, oeë va de gaade neëve 't Neuchâteler Meer sjtieë. 't Guëf zuvelproductie, meh de teelt va peëd is wichtiger. Wieër is de sjtad La-Chaux-de-Fonds 'n typisch oermakesjsjtedsje. Toerisme is vöal te vinge aan 't Neuchâteler Meer en 't guëf industrieel irfgood of bezieënswaadighede mit dit thema, wie 'n ouw chocoladefebriek, ungereëdse muëles en e museum gewieëd aa tieëdmeëting.

'n Typische sjtrieëksjpecialiteet is Absint.