Veolia Transport Nederland
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Veolia Transport Nederland is e commercieel Nederlands transportbedrief, wat es dochteroondernumming deil oetmaak vaan de Frans Veoliagróp.
Historie
[bewirk | brón bewèrke]De bemeujenis vaan Veolia mèt Nederland begós wie 't in 1997 Lovers euvernaom, wat op dat memint al werk maakde vaan 't penetrere vaan 't zoezjus geliberaliseerd spoorwegenèt. 't Bedrief hètde toen nog CGEA. Allewel tot Lovers Rail in 1999 stopde, bleef 't bedrief in 't land actief. Ind 2001 koch 't bedrief, noe oonder de naom Connex, 't Braobants bösbedrief BBA op. Kort tenao kraog 't bedrief veuj aon de groond in Limbörg, door 't euvernumme vaan 't Mestreechter bösbedrief en Arriva zien streekbösse in de provincie. In 2006 begós 't mèt geujertreine; vaanaof 10 december vaan dat jaor, bij 't ingoon vaan de nui deensregeling, regelde 't ouch 't regionaol treinverkier in dees provincie.
Concessies
[bewirk | brón bewèrke]Veolia Transport heet allewijl (2012) de volgende concessies in han:
- Bösverveur Haaglanden (Den Haag en umgeving)
- Bösverveur Ziews-Vlaondere (gemeintes Sluis, Terneuzen en Hulst in Zieland)
- Bösverveur Wes-Braobant
- Bösverveur Midde-Braobant
- Bös- en treinverveur Noord- en Midde-Limbörg
- Bös- en treinverveur Zuid-Limbörg
- Maoslijn (gedeilte boete Limbörg)
- Brabantliner
- Veerboot Vlissingen-Breskens (gemeinte Sluis)
In Limbörg exploiteert Veolia de geneumde Maoslijn (vaan Remund of Venlo tot oetindelek Nimwege) en de Heuvellandlijn (vaan Mestreech Randwiek nao Kèrkraoj).
Gebreke aon 't treinverveur, in 't bezunder structureel vertraoginge op de Maoslijn, höbbe tot klachte geleid, die oetindelek in de politiek zien behandeld.