De Velsjuur

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Maeses, es te dit dialek sjpriks.

---

De Velsjuur (Nederlands: Veldschuur) is 'n gehuch van Maes (Meers) in Zuud Limburg in de gemeinte Stein. De buurtsjap is gelege achter de Sjteinerdiek op 't eiland dat gevörmp weurt door de Maas en 't Julianakanaal ten zuide van De Maasbendj. D'r wone in 2003 80 luuj.

De naam kump van 'n lossjtaonde graansjuur in 't veld. Waarsjienlik waor die in vakwerk opgetrokke, vanwaege de verplaatsbaarheid. Op de Tranchotkaart besjteit 't gehuch, aangegeve es Velsur, oet twea hoeze lènks en rechs van de weag van Sjtein nao Maes. 't Plaetske weurt allewiel aangegeve door 'n wit plaatsnaambord.

Velsjuur lik in 'n landelik agrarisch gebeed mit hoagsjtam- bóngerde. Bezeenswaerdig zint ouw häöf en hoeze.