Uicheliken akkelej

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


d'n Uicheliken akkelej.

d'n Uicheliken of aangenamen akkelej (Aquilegia grata) is 'n plantjesaort oete ranonkelfemielje (Ranunculaceae). d'n Uicheliken akkelej wuuertj van netuur allein inne Orjenberg in Montenegro gevónje. In 't heimatlandj is dees saort besjurmp.

d'n Uicheliken akkelej kan me-n aantrèffe inne zuudoeastelike, subadriatische Dinarische Alpen inne Orjenberg in 't wèste vanne Balkan. De plantj kump veurnamelik veur in wurmdjelevendje beuken- en dennebus; veurnamelik ane vöchtige bósrenj. De plantj haet 'ne veurkäör veur aetesrieken en kalkhajendjen óngergróndj. Wie zónnige de plaats is, wie baeter de plantj greutj.

d'n Uicheliken akkelej is 'n mieëjäörige, kroedechtige plantj, die toet 'n huuegdje van 15 toet 30 cm greudj; aventoe zelfs toet 45 cm. Oete midde van 't los blaadrozèt greutj 'ne rechopstäöndje stengel dae kleerechtig-klaeverig en pluzig-behaordj is. Zowaal de veur- wie d'n achterkantj vanne blajer zeen fienbehaordj.

De blajer zeen aan bèdskantje kleerechtig behaordj. De gróndjstenjige blajer zeen in 'ne lange blaadnerf en klènder blaadnerve verdeildj. d'n Toet 10 cm lange baovekantj vanne gróndjblajer is dóbbeldriedeilig en juus wie de stengelblajer kleerechtig behaordj; oppe baovekantj is 't greun en anen óngerkantj zilverechtig. De bäövelste stengelblajer zeen driedeilig.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Uicheliken_akkelej&oldid=418060"