Trompèt van d'r doeëd

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

De trompet van d'r doeëd (Craterellus cornucopioides) is 'ne aeëtbare paddesjtool dae in Nederland en Belsj hieël zeldzaam en besjermd is. D'r naam hat dizze paddesjool dus neet te daanke an z'n giftigheed vör d'r miensj mae mäögeleks waal an de gedachte dat dis trompètte besjpäöld waoërte dör doeëj luuj die begrave waore in de groond. 'Ne andere naam is hoaën van overvloed. Dae naam verwiest nao 't Haoën des overvloeds oet de Griekse mythologie. De trompet is väöral gedruugd es speceriej good in saose en sópe te gebroeke. Ze haant 'ne lichte paeëper- en truffelsjmaak.

Kenmaerke

De trompet is 'n klinge bies middelgroeëte paddesjtool mèt 'ne kórte, hólle sjteel, dun griezig vleesj en witte sjpaoëre. 't Vruchlichaam is an d'r binnekaant grówbroen bies zjwart en an d'r boetekaant en oonderziej aesjelegries.

Versjprèjjing

D'r paddesjtool keumt vör oonder loofbeum, väöral bie beuke en eke en óp voedselurme zaand-, mergel- en leemgroond. E keumt dik väör in groepe. Ooch al is dizze paddesjtool zeldzaam in Nederland en Belsj; in ander dele van Europa, zoewie in Zjwede, keumt e väöl vör. D'r paddesjtool kan väöral gevoonde waeëre in de periode van juli bies december.

Lèt good op 't veurbehawd bie medische informatie.
Gank bie gezóndjheidsklachte nao 'nen hoesdokter.

Van de trompet van d'r doeëd wert bewaerd dat ze sjtóffe bevat, die de oontwikkeling van tumore taeëgegeunt en/of 't afwaer- of immuunsysteeem sjtimulere. [1]