Zandj
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
Zandj is zaach, hel, los en körrelig matterjaal en ein van de meis-veurkómmendje netuurlike stoffe oppe aerd. Zandj besteit oet hièl klein stökskes aan stein, de zandjkörrelkes, die in gruèdje variëre tösse 63 micromaeter en 2 millimaeter. Es de körrelkes klènder zint es 63 micromaeter den hètj 't silt; körrelkes grótter es 2 millimaeter neump me grindj.
Zandj kump meistes veur es sediment, waat wil zègke det zandj is verveurdj door water of windj. Zoa zeen van zandj dune, strenj, weusdjes en revere óntstange. De körrelkes zint meistes aafbraakmatterjaal van gesteindje, meh kónne ouch van organische aafkóms zeen, wie bie sjelpe of koraal.