Strandj

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


E strandj.

E strandj is 'ne strook aan landj langs e water, meistes 'ne pool en geine struim (zieë, oceaan, maer, grindjgaat), dae rilletief vlaak is. E strandj löp nao 't water haer ómlieëg en geit euver inne baom van 't water; landjinwers löp 't strandj dus get ómhoeag.

Väöl strenj bestaon veurnamelik oet zandj, meh sómtieds ouch oet kezele of sjelpe. Sómmige strenj bestaon oet vólkanisch zandj en zeen zwart van kluuer. E strandj is weinig of gares neet begreudj, al greuje op roewige strenj, wie op Sjiermonnikoug, lokaal waal get zaltlevendje plantje en get helmgraas. Sómtieds waeren ouch eventueel aanwaezige dune toet 't strandj geraekendj. 'ne Kösstrook dae oet vaster matterjaal besteit, wie rotse, of is begreudj, wuuertj döks gewuuen 'ne waterkantj geneump.

E strandj langs 'n zieë of 'nen oceaan löp (deils) ónger water wen 't vloodtiej kump.

Strenj vörme de ieëste lien van kösverdeidiging taenge euverstruiminge en störm en zeen daodoor wichtig veure instandjhajing vanne kösstreke. Wiejer waere strenj väöl gebroek door bieëster es èsplaats en door luuj es recreatieplaats, veur aangespeuldje dinger te vinje (jutte) en veur ecologisch en biologisch óngerzeuk.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Strandj&oldid=385291"