Toby Keith
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Toby Keith Covel (8 juli 1961, Clinton, Oklahoma - 5 fibberwarie 2024, Oklahoma) waas 'nen Amerikaanse zenger, gitaris en leedjessjriever in 't countrygenre.
Biografie[bewirk | brón bewèrke]
Nao de hoger sjoeal góng Keith wirken oppe aoljeveljer in Oklahoma. Doe begós t'r ouch te spelen in zienen ieëste bend, The Easy Money Band, die meis bluegrass en country gemingk mit rock'n'roll maakdje. Nao get jaore tied góng 't slechter mitte aoljenindustrie en woort Keith werkeloos. Hae begós toe op semi-professioneel niveau Amerikaans football te spele veure Oklahoma City Drillers.
Wie bleek det veur dem wiejer gèn kerjaer inne sport woor, besloot t'r zich gans in te zitten oppe meziek en begós t'r ummertoe mieë róndj te toere. Hae naam demo's op en sjikdje die nao versjeie labels veur zoea e kóntrak te kriege. Eine van die demo's kaam aan bie de producer Harol Shedd, dae 'm hólp e kóntrak te kriege bie Mercury Records't Ieëste album, Toby Keith, kaam in 1993 oet.
In 2022 kreeg Keith de diagnoos van maagkanker. Hae stórf dao-aan op twieënsèstigjäörige laeftied op 5 fibberwarie 2024.