Thessaloniki (stad)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Veendel vaan Thessaloniki
Ligking vaan Thessaloniki

Thessaloniki (Nuigrieks: Θεσσαλονίκη) is 'n stad in Griekeland en de hoofplaots vaan Thessaloniki (departemint) en de periferie (regio) Middel-Macedonië. Ze steit ouch bekind es de hoofstad vaan Grieks-Macedonië, 't gaans gebeed dat in totaol oet de periferieje Wes-Macedonië, Centraol-Macedonië en Oos-Macedonië. Evels heet dit gebeed gein officiële beteikenis. Grieks-Macedonië is inkel 'n culturele streek. De stad had op ziechzelf volges de census vaan 2011 322.240 inwoeners. De agglomeratie had oongeveer 790.824 inwoeners in 2011. Nao sjatting zien dat d'rs 813.793 in 2022. Op Athene nao is 't de groetste stad vaan Griekeland. Dèks weurt Thessaloniki ouch Saloniki, Salonika of Salonica geneump. Thessaloniki seit bekind um häör beer. Mèt Macedonië es innegste Griekse regio mèt einegszins 'n beercultuur, brouwt dees stad 't poppelairs binnelaands beer vaan Griekeland, wie Mythos.

Demografie[bewirk | brón bewèrke]

In 2001 had Thessaloniki 383.967 inwoeners en 'n sjatting vaan 2007 zag tot Thessaloniki nog mer 348.920 inwoeners had. Dit zaw beteikene tot de stad mèt 'n extreme krimp te make had. In 2011, wie 'n nuie bevolkingstèlling woort gedoon in de stad, bleek de krimp nog erger: 't goof nog mer 322.240 lui in de stad. Dewijl in 2007 't aontal inwoeners vaan Groet-Thessaloniki nog roond de 800.000 woort gesjat, bleek dat noe ouch väöl minder: 790.824. De groete krimp weurt veural es e rizzeltaot gezeen vaan de Eurocrisis. Väöl lui in Thessaloniki zien noordweerts Europa ingetrokke. Vergriezing, es rizzeltaot vaan väöl aw lui en wieneg kinder, is ouch 'ne factor. Allewel de lèste tèllinge in 2011 zien gewees, gief 't sjattinge die zègke tot 't steielek gebeed weer greuit en noe zoe'n 813.793 tèlt.

D'n ierste prizzedent vaan Törkije, Mustafa Kemal Atatürk, waor hei gebore in 1881. Ouch d'n allewijle (en d'n ierste vrouweleke) prizzedent vaan Griekeland, Katerina Sakellaropoulou, waor in Thessaloniki geboren in 1956.

Klimaot[bewirk | brón bewèrke]

De stad ligk in e mediterraon klimaot. Dit beteikent dus milde winters en werm zomers. In de zomer vèlt hei evels mie rege daan in de mieste Griekse plaotse.

Maond Jan Fib Mee Apr Mei Jun Jul Aug Sep Okt Nov Dec
Hoegste temperatuur [°C] 12 13 16 18 23 28 31 30 26 21 15 13
Liegste temperatuur [°C] 5 6 6 9 12 16 18 18 15 11 6 7
Rege (mm) 40 38 43 35 43 30 22 20 27 45 58 50
Record wermte [°C] 20 22 25 31 36 39 42 39 36 32 27 26
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Thessaloniki_(stad)&oldid=455055"