Centraol-Macedonië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Veendel vaan Centraol-Macedonië

Periferieë in Griekeland: 1.Attika, 2.Centraol-Griekeland, 3.Centraol-Macedonië, 4.Kreta, 5.Oos-Macedonië en Thracië, 6.Epirus, 7.Ionische Eilen, 8.Noord-Egeïsche Eilen, 9.Peloponnesos, 10.Zuid-Egeïsche Eilen, 11.Thessalië, 12.Wes-Griekeland, 13.Wes-Macedonië

Centraol-Macedonië (Ouch wel Middel-Macedonië, Grieks: Κεντρική Μακεδονία, Kentriki Makedonia, Bölgaars: Централна Македония, Tsentralna Makedonija en oppe Macedonische sjrijfwieze: Централна Македонија umtot die de я gebruuk) is 'n periferie (vergeliekbaar mèt de regio's in Fraankriek) in Griekeland. 't Is 't midde vaan 't Griekse Macedonië (vreuger Makednos), neet te verwarre mèt de rippubliek Macedonië, dat door de Grieke dèks oet prottes Rippubliek Skopje weurt geneump.

Geografie

Centraol-Macedonië heet 'n oppervlak vaan 18.811 km². 't Grens aon de periferieë Oos-Macedonië en Thracië, Thessalië en Wes-Macedonië. Centraol-Macedonië ligk aon de Egeïsche Zie.

Ouch grens 't aon Bulgarije en Macedonië.

Aongrenzende regio's

Centraol-Macedonië grens aon vief regio's, boevaan eint 'n land is boete de EU, naomelek Macedonië.

• Macedonië, Macedonië (gein EU) - noordweste
• Yugozapaden, Bölgarije (EU) - noordooste
• Oos-Macedonië en Thracië - ooste
• Wes-Macedonië - wesnoorde
• Thessalië - weszuie

Demografie

Volges de census vaan 2011 heet Centraol-Macedonië 'n inwoeneraontal vaan 1,880,297, en 'n deechde vaan 100/km². Dit is 'n stijging vergeleke mèt 2001, wie 't 1.872.370 Centraol-Macedoniërs goof. De hoofstad is Thessaloniki.

Departeminte

De periferie is oonderverdeild in 7 departeminte (nomos):

• Chalcidice
• Imathia
• Kilkis
• Pella
• Piëriá
• Sérres
• Thessaloniki