The Birth of a Nation
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
The Birth of a Nation (Limbörgs: 't Oontstande vaan 'n Natie) is 'nen Amerikaanse stomme film, Drama en oorlogsfilm vaan D.W. Griffith oet 't jaor 1915, mèt oonder mie Lillian Gish, Mae Marsh en Henry B. Walthall. Heer däört zoen 190 menute.
De productie vaan de film loog bij Griffith, 't scenario woort gesjreve door Frank E. Woods en Griffith, nao versjèllende wèrke vaan Thomas F. Dixon Jr.. De meziek woort gecomponeerd door Joseph Carl Breil en Griffith. 't Camerewèrk loog bij G.W. Bitzer.
Heer weurt veural es zoene belaangrieke film gezeen umtot heer zoe controversieel is, veur zienen tied mer ouch veur allewijl. 't Goof fel veur- en tegestenders gedäörende zien populariteit. De film waor oonder aandere gebasseerd op 'n expliciet racistisch toneelstök vaan Dixon, mer Griffith sjeen achteraof gans oonversjilleg te staon tegeneuver de kwestie en 't verhaol veural te höbbe gebruuk um te experimentere mèt de nog jonge filmtechniek vaan deen tied. Allewel d'n inhaajd vaan de film dus nog ummertouw veur väöl aofsjui zörg, is bekans ederein d'r 't mèt eins tot 't technisch gezeen geit um e "meesterwèrk". Väöl lui stèlle zelfs tot Griffith gebruuk maakde vaan bepaolde techniek die me nog noets had gebruuk in cinema en daonao 'n gigantische invlood zaw höbbe op de filmwereld, beveurbeeld: de dramatische close-ups, de "rijer" en aander camerabeweginge, parallelle actieshots, kruiselingse montage, enzoewijer. Ouch gebruukde heer veur 't iers in 'ne film orkestraol begeleiing. The Birth of a Nation weurt gezeen es 't ierste groete propagandaprojek in de filmhistorie, boe-in weurt gestèld tot de VS hun einheid allein kin garandere door de Ku Klux Klan.
Brónne
[bewirk | brón bewèrke]- Schneider, Steven Ja, ed. (2008). 1001 Movies You Must See Before You Die. Quintessence Editions (5th Anniversary/3rd ed.). Hauppage, New York: Barron's Educational Series. p. 31. ISBN: 978-0-7641-6151-3.
- pagina vaan de film op Moviemeter (Nederlands)