Henry B. Walthall

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Henry B. Walthall (1916)

Henry Brazeale Walthall (16 miert 1878 in Shelby County, Alabama te VS - 17 juni 1936 in Monrovia, Californië)[1] waor 'nen Amerikaanse acteur. Heer is veural bekind vaan zien ról es de Little Colonel in de film The Birth of a Nation oet 1915, vaan D.W. Griffith.

Heer heet nog mèt gevochte in de Spaons-Amerikaanse Oorlog mer woort al gauw 't veld aofgehaold umtot heer besmèt raakde mèt malaria. Wie heer waor geneze waor de oorlog al veurbij. In 1901 góng heer mèt al de cent die heer had, hoonderd dollar, nao New York City um zien droum woer te make in 't theater. Heer waor neet riek es theateracteur mer verdeende d'r genóg mèt um broed op de plaank te kriege, wat al gans get in deen tied waor. Heer begós pas ech serieus carrière te make wie heer woort oontdèk door filmregisseur D.W. Griffith. Same mèt Lillian Gish en Mae Marsh woort heer veur bekans edere film vaan Griffith gevraog. Soms veur groetere rolle, daan weer kleiner rölkes. Heer speulde evels noets de hoofrol. Heer woort pas ech bekènd met zien rol in The Birth of a Nation (1915). Opvallend is tot Walthall gaaroet gein perbleme had zien carrière op te pakke naodat de periood vaan de geluidloeze film tot 'n ind waor aon 't komme. In tegedeil, heer had ziene bleuitied in de latere veerteger jaore. Door Lillian Gish woort heer besjreve es: "a slight man, about five feet six, fine-boned, with the face of a poet and a dreamer." [2]Sjabloon:Rp In 1936 maakde heer ziene lèste film aof, en kraog op de studio, nao zien scènes te höbbe gefilmp, 'nen hartaonval. Heer woort gebrach nao 't hospitaol in Monrovia.


Bronne[bewirk | brón bewèrke]

  1. Katz, Ephraim (1998). The Film Encyclopedia, 3rd, New York: HarperPerennial. ISBN 0-06-273492-X. 
  2. Gish, Lillian (1969). Lillian Gish: The Movies, Mr. Griffith, and Me. Englewood Cliffs, N.J.: Prentice-Hall. OCLC 3175012. 
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Henry_B._Walthall&oldid=434136"