Lillian Gish

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Lillian Gish, 1921

Lillian Diana Gish (14 oktober, 1893 in Springfield, Ohio te VS - 27 fibberwarie 1993, New York City, New York[1]) waor 'n Amerikaanse theater-,[2] en filmactrice, regisseur en sjriefster, die 'n carrière had vaan zoen 75 jaor, vaan 1912 in geluidloeze films bis 1987. Gish woort de First Lady of American Cinema geneump umtot zie de ierste actrice waor die 'n soortgelieke status deilde mèt groete stare vaan de allewijl Amerikaanse filmwereld.

Zie waor 'n prominènt filmstaart in de tiener en twinteger jaor vaan de 20e iew, veural geassocieerd mèt films vaan de regisseur D.W. Griffith, wie häör leiende rol in eine vaan de bekinste geluidloeze films oets, Birth of a Nation oet 1915. Häör geluidsfilms waore sporadisch mer 't waor al gans get tot 'n "geluidloes actrice" euverleefde in de nui filmwereld. Dat waor veur de meiste acteurs en actrices neet weggelag. Zie sloot häör carrière aof mèt de bekinde film The Whales of August, oet 1987.

Zie hiemelde in häöre slaop vaan 'nen hartaonval op häör 99e. Zie is bezörg neve häör zöster Dorothy bij de Saint Bartholomew's Episcopal Church in New York City. Häöre staot waor e paar mieljoen dollars weerd, en 't meiste daovaan góng nao de creatie vaan de Dorothy and Lillian Gish Prize: 'ne pries jaorleks gesjoonke aon iemes dee "...de wereld 'n oeting vaan sjoenegheid rieker heet gemaak".[3]

Bronne en rifferenties[bewirk | brón bewèrke]

  1. Al woort laank gedach tot Lillian Gish waor gebore mèt de Fransen achternaom De Guiche, waor dat eigelek gewoen Gish. Op force vaan Lillian Gish: Her Legend, Her Life, a biography by Charles Affron "...The Gish name was initially the source of some mystification. In 1922, at the time of the opening of Orphans of the Storm, Lillian reported that the Gish family was of French origin, descending from the Duke de Guiche.... [S]uch press-agentry falsification was common. Just a few years later the story was modified slightly so that de Guiche becomes the more illustrious Duc de Guise.... [A]mong the Gish ancestors were a great-uncle probably murdered on a business trip to Philadelphia and four cousins who served in the Civil War. Lillian's father, James Leigh Gish was the youngest of four sons of David Gish (1814–1888) and Diana Caroline Waltz."
  2. Lillian Gish - North American Theatre Online
  3. "Gishprize Website". 
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lillian_Gish&oldid=376207"