Racisme

Van Wikipedia
Gank nao: navigatie, zeuke

Dit artikel is gesjreve in 'n ónbekènd dialek. Es doe wèts wat veur dialek dit is, weurt 't gewaardeerd óm dit aan te gaeve.


Racisme ès ein ideologie (en acties dae dao-oet volge) gebasseerd op het (sociologische en/óf biologische) concep’ ras. Racisme haet deks ei (hendeg) negatieve connotatie. Den term racisme kin op versjèllende menere verstoon weure en ein ángere beteikenis höbbe bènne versjèllende contexte:

Theorie: Racisme es theorie dae de superioriteit vaan ein bepaald ras verkondèg (en doamèt ouch den inferioriteit vaan ángere rasse). Discriminatie kin doabie het gevolg zien.

Systeem/stèlsel: Racisme es geïnstitutionaliseerd systeem/stèlsel vaan óngerdrökking op basès vaan ras dat ónger ángere den touwgank tot óngerwies, wèrkgelegeheid, vertegewoordiging inne media, hoesvèsting, medische zörg etc. beperk.

Rassediscriminatie: Discriminatie op gróndj vaan emes ras. Euver het algemein liek deze definitie het mieste te weure gebruuk en ès sterk verwant aon de algemeine definitie vaan discriminatie en xenofobie. Evels kin deze definitie luuj taege de boors’ stoête (umwille vaan zienen algemeniteit). Deze definitie deit namelik ein bepaolde inwisselbaarheid implicere in het gebruuk vaan racisme tösse versjèllende rasse en negeert daobie de deepgewortelde culturele en sociale context vaan racisme.

Historie[bewirk | brón bewèrke]


De volgende sectie van dit artikel is gesjreve in 't Mofers.

Inne aaj gesjiechte waas väöl etnocentrisme (anger völker woorten es barbaars betrach), meh mieër óm cultureel es rasselike grunj. In 't antisemitisme wie det inne vieftieëndjen ieëf in Spanja oplaefdje, woorte religieus-cultureel elemente vermingk mit rasselike. Vanaaf de zevetieëndjen ieëf óngersjèdje theologen 'n hiërarchie worin de blanke miens 't kórtste bie God sting, den de neger, den d'n aap en zo wiejer. Netuurweitesjappelike rastheorieje óntstingen inne neugetieëndjen ieëf. Me mèndje det bepaoldje rassen e netuurlik rech hawwen op 'n hoger positie en det 't superieur blank ras door verminging mit anger rasse t'n ónger dreigdje te gaon. Inne wètte van Neurenberg, aangenómme dore nazi's in 1935, woort eder seksueel kóntak tösse Duutsjers (ariërs) en joeade verbaoje. Nao d'n Twieëdje Weltkrieg óntstinge sterke anti-racistische tendense, die ónger anger lèdje toet 't VN-Verdraag taenge rasdiscriminatie. Op 't ènj van 1991 woort inne VN 'n resolutie ingetróch die zionisme geliekstalj mit racisme. In 2001 woort in Durban, Zuud-Afrika, 'n VN-conferentie taenge racisme gehaje. Dees lèdje toet e groeat aantaal aanbevaelinge, meh mót es mislök waere betrach dore euverhieërsjendje controversen euver ónger anger vermèndje praktieke van racisme en genocide van Israël. De conferentie verklaordje slavernie toet ein vanne misdäöj taenge de miensjelikheid, meh aan staote woort gein juridische verplichting opgelag veur compensatie te betale.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Racisme&oldid=371628"