Taoïsme

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Taoïsme is 'n relizjie en ein vaan de vernaomste in 't allewijl China.

Oerspronk[bewirk | brón bewèrke]

Taoïsme woort mie es twiedoezend jaor geleije in China gestiech door Lao Tzu, dee weurt besjouwd es d'n autäör vaan de Tao Te Ching, 't book boe-op de taoïstische filosofie steunt. 't Taoïsme propagiert einvoud en oonbaotzöchdegheid in euvereinstömming mèt de tao, 't centraol of sturend prinsiep vaan 't universöm. Oet krach vaan de wèt vaan de tao (Limbörgs: de weeg) kiert alles trök nao zie beginpunt en zit 't al-oet beslote in zien deile. Door de tao geit gans en al vaan 'ne staot vaan neet-zien nao zien, trök nao neet-zien. Door de tao oongehinderd te laote struime, weurt de wereld 'ne röstege plaots.

Heileg sjrif[bewirk | brón bewèrke]

't Taoïsme is mèt naome op twie beuk gebassierd, de Tao Te Ching en de Chuang Tzu.

  • De Tao Te Ching betaomp ziech es book bis de algemein taoïstische filosofie. Traditioneel weurt 't book touwgesjreve aon Lao Tzu, de groondlègker vaan de relizjie. 't Waor gemeind es handbook veur d'n hierser.
  • De Chuang Tzu is gesjreve door d'n taoïstische filosoof Chuang Tzu, 'ne belengrieke vreugen oetlègker vaan 't taoïsme. 't Deent ziech es handbook veur 't individu.

In beij beuk weurt gestèld tot handele in euvereinstömming mèt de tao (de universele einheid vaan 't bestande) vreij en harmonie bringk veur 't individu en de maotsjappij.

Heileg plaotse vaan 't taoïsme[bewirk | brón bewèrke]

De berg Tai, ouch wel bekind es de Taishan, ligk in de pervinsie Sjandong te China, en is de plaots boe ziech väöl tempels en aander bouwwèrke geve die aon 't geluif gewied zien. Dit gebeed is e belaangriek beijveertsoord veur de volgelinge vaan 't taoïsme, de taoïste.

Bis de belaangriekste bouwwirke vaan de Tai betaome ziech:

  • De Tempel vaan de Azuurblawwe Wolke - Dit complex is opgedrage aon de prinses vaan de Azuurblawwe Wolke en datiert vaan de Song-dynastie (907 bis 1279). Vroluij beije hei um steun wienie ze bestèld zien.
  • 't Palies mèt de Roej Poort - Dit bouwwèrk woort ouch opgedrage aon de prinses vaan de Azuurblauwe Wolke, die de dochter waor vaan de god vaan de Tasihan.
  • De Tempel vaan de Witte Wolk - Dees tempel, die ziech gief in Beijing, is de thoesbasiek vaan de Chinese Vereineging veur 't Taoïsme. Taoïsten besjouwe dees es de belaangriekste Quanzhen-tempel in China. De verfiende architectuur vaan de Tempel vaan de Witte Wolk datiert vaan 't begin vaan de Ming-dynastie. Oet krach vaan de taoïstische gesjrifte woort de Tempel vaan de Witte Wolk (roond de achste ieuw) op de plaots vaan de Tianchang-tempel gebouwd, 'ne heilege plaots vaan 't taoïsme boe ei stein standbeeld vaan Lao Tzu, de groondlègker vaan 't taoïsme te vinde waor.

Godheije in 't taoïsme[bewirk | brón bewèrke]

Moch me perbere godheije te troevere binne de Oesterse relizjie, daan zaw me d'r bekajd vaanaof koume. 't Confucianisme en Taoïsme liere tot lui in weze good zien en tot 't innegste dat zie motte doen um vreij, veurspood en gelök te vinde is tot zie hun innerleke verlenges volge. In 't taoïsme weure versjillende riechtinge oonderweze, evels inkele vaan de populairdere riechtinge liere tot wienie me de force vaan de Natuur weit aon te spreke me mesjiens veur ieweg doorleef. Taoïsme is in zeker maote 'n antropotheïstische relizjie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Taoïsme&oldid=405818"